Na studyi Siarhieja Cichanoŭskaha skončyŭsia čarhovy pieratrus
Na hety momant dźviery ŭ studyju, jakuju błohier najmaŭ u hateli «Kastryčnicki», začynienyja, ale nie apiačatanyja. Učora paśla pieršaha pieratrusu jany byli rasčynienyja naściež, paviedamlaje «Svaboda».
Supracoŭniki hatelu kažuć, što vobšuk pravodzili bolš za 5 čałaviek, ale ničoha nie vynosili.
Pieršy pieratrus u studyi Cichanoŭskaha praviali 3 červienia. Pavodle supracoŭnikaŭ hatela, jon adbyvaŭsia ad samaha ranku i da 16-j hadziny.
«Pryjšli dva milicyjanty ŭ formie, ź imi byŭ adzin u cyvilnym i jašče dvoje nieviadomych, — moža, heta byli paniatyja. Taksama było niekalki supracoŭnikaŭ MNS — jany i ŭzłamali dźviery, staryja, draŭlanyja. Što tak doŭha možna było tut rabić, niezrazumieła. Paśla vobšuku vynosili skryni ź niečym, tečki z dakumentami. Što zabrali, nieviadoma. Zdajecca, sa studyi źnik kavavy aparat», — patłumačyli supracoŭniki hatela.
Paśla pieratrusu pamiaškańnie nie apiačatali, dźviery nie zamknuli, a hatel niasie za heta adkaznaść.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary