Minzdaroŭja ŭ svaim telehram-kanale prakamientavała raniejšuju infarmacyju pra škodu chłarachinu.
«Aŭtary analizu hidraksichłarachinu (HCQ), apublikavanaha ŭ The Lancet, i daśledavańnia sardečna-sasudzistych zachvorvańniaŭ u Miedycynskim časopisie Novaj Anhlii (NEJM) adklikali abodva daśledavańni. Pradstaŭniki časopisaŭ patłumačyli svaje dziejańni bojaźziu ŭ dakładnaści infarmacyi, pradstaŭlenaj Surgisphere Corporation, — havorycca ŭ paviedamleńni. — Paśla taho jak niezaležnyja recenzienty nie zmahli pravieryć klučavyja danyja kampanii i paćvierdzić vyniki daśledavańniaŭ, aŭtary vymušany byli adklikać artykuły».
Heta padzieja adbyłasia nieŭzabavie paśla taho, jak śpiecyjalisty vykazali zaniepakojenaść z nahody bazy źviestak Surgisphere, jakaja lažyć u asnovie hetych daśledavańniaŭ. Jak vyśvietliłasia, zasnavalnik kampanii Sapan S. Desai, doktar miedycynskich navuk, byŭ saaŭtaram abodvuch artykułaŭ. Śpiecyjalisty praanalizavali historyju publikacyj Desai i vyjavili niekalki papiaredžańniaŭ ab nienaležnym praviadzieńni daśledavańniaŭ. Adznačym, što SAAZ adnaviŭ dazvoł na praviadzieńnie testavańnia hidraksichłarachinu jak lekavaha srodku pry COVID-19.
Što tyčycca biełaruskich daktaroŭ, to, jak adznačaje hałoŭny pazaštatny śpiecyjalist Ministerstva achovy zdaroŭja pa infiekcyjnych chvarobach Ihar Karpaŭ, «choć publikacyja i była adklikanaja, jana pasłužyła peŭnym sihnałam dla ŭzmacnieńnia kantrolu pry lačeńni pacyjentaŭ chłarachinam i hidraksichłarachinam. Ciapier vielmi vysokaja publikacyjnaja aktyŭnaść, jakaja tyčycca pytańnia. Usia infarmacyja, jakaja publikujecca ŭ navukovaj presie, uvažliva adsočvajecca biełaruskimi daktarami-praktykami i pradstaŭnikami navukovaj hramadskaści.
Pa vopycie vykarystańnia hidraksichłarachinu (darečy, dakładny manitorynh za stanam pacyjentaŭ pry jaho vykarystańni pravodzicca ź pieršych pryznačeńniaŭ) skłałasia, u cełym, stanoŭčaje ŭražańnie.
Heta tyčycca jak palapšeńnia samaadčuvańnia, tak i łabaratornych pakazčykaŭ. Pa miery nazapašvańnia źviestak mohuć być uniesieny peŭnyja karektyvy. A ciapier aktualnym źjaŭlajecca adkazny manitorynh stanu pacyjentaŭ, jakija atrymlivajuć hetyja lekavyja srodki».
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj93
Kamientary