Z kanca sakavika ŭ Brytanii pamierła na 64 tysiač čałaviek bolš, čym zvyčajna
Z 20 sakavika śmiarotnaść u Brytanii pieravysiła zvyčajny ŭzrovień amal na 64 tysiačy čałaviek, abo prykładna na adnu piatuju, paviedamiła Bi-bi-si ŭ aŭtorak Nacyjanalnaje biuro statystyki.
Zvyčajny ŭzrovień u dadzienym vypadku — siaredniaja kolkaść pamierłych u hetym ža siezonie za apošnija piać hadoŭ.
Epidemijołahi ličać pieravyšeńnie śmiarotnaści nad zvyčajnym uzroŭniem samym viernym sposabam vyznačyć realnuju kolkaść achviar chvaroby.
Hety mietad adnolkava vykarystoŭvajecca ŭ dačynieńni da ŭsich krain, tady jak nacyjanalnyja mietodyki padliku pamierłych ad SOVID-19 adroźnivajucca: u adnych krainach u ich lik uklučajuć usich, u kaho na momant śmiarotnaha vyniku byŭ znojdzieny karanavirus, u inšych — tolki tych, u kaho jon źjaviŭsia niepasrednaj i hałoŭnaj pryčynaj śmierci.
Ź inšaha boku, kolkaść pamierłych padčas epidemii zvyš zvyčajnaha ŭzroŭniu ŭklučaje i tych, chto pamior ad inšych chvarob, svoječasova nie atrymaŭšy patrebnaj dapamohi z-za pierahružanaści miedustanoŭ ci strachu vyjści z doma.
Pavodle źviestak, apublikavanych brytanskim uradam napiaredadni, ludskija straty ad SOVID-19 u Brytanii skłali 40.680 čałaviek. Hetaja ličba abnaŭlajecca štodnia i ŭklučaje ŭ siabie ŭsich pamierłych, u kaho byŭ znojdzieny karanavirus. Heta druhi pakazčyk u śviecie paśla ZŠA.
Pa ŭzroŭni śmiarotnaści ad karanavirusa u pieraliku na dolu nasielnictva, pavodle aficyjnaj statystyki, Złučanamu Karaleŭstvu naležyć sumnaje pieršynstvo — 610 čałaviek na miljon žycharoŭ.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary