Pryhavor za niekalki złačynstvaŭ adrazu 35-hadovamu žycharu Vilejščyny abviaścili siońnia, 15 červienia, paviedamlaje «Rehijanalnaja hazieta».
U sudzie razhladali dva epizody. Pieršy zdaryŭsia 26 studzienia. Prajšło mienš za miesiac paśla taho, jak mužčyna viarnuŭsia z turmy. Z susiedam jany vypivali, a potym fihurant pajšoŭ damoŭ. Pryhadaŭ, što niadaŭna susied kupiŭ motabłok. Fihurant uziaŭ łom, paškodziŭ dźviarnuju karobku i zamok i trapiŭ u haraž. Adčapiŭ pryčep ad motabłoka, ale nie zmoh zapuścić ruchavik. A kacić motabłok praz ałkaholnaje apjanieńnie mužčyna nie zmoh. U vyniku atrymałasia tolki sproba ździejśnić kradziež.
Druhi epizod zdaryŭsia 28 lutaha tut ža, na Vilejščynie. Fihurant razam z paciarpiełaj i svaim znajomym vypivali. Znajomy pajšoŭ spać u inšy pakoj. Pa ŭzajemnaj zhodzie fihurant z paciarpiełaj vyrašyli ŭstupić u pałavuju suviaź.
Padčas seksu mužčyna ŭbačyŭ u kišeni džynsaŭ partniorki płastykavuju kartku i niezaŭvažna jaje zabraŭ.
U hety ž dzień z kartki paciarpiełaj jon patraciŭ 40 rubloŭ. Na zaŭtra — jašče 31 rubiel, 61 kapiejku.
Na sudzie mužčyna pryznaŭ vinu pa ŭsich epizodach, raskajvaŭsia. Mužčynu asudzili na paŭtara hoda źniavoleńnia. Taksama jon budzie lačycca ad ałkahalizmu.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary