Pra heta kiraŭnik krainy skazaŭ učora, naviedvajučy «Hrodna-Azot». Siužet pakazali STB i BT.
Łukašenka zajaviŭ, što «hety niaščasny virus siońnia asłabieŭ», i zaraz siaredniaje znachodžańnie ŭ balnicy u nas 8 dzion, a było 21.
Z Hrodzienščyny, pa słovach Łukašenki, virus sydzie ŭ najbližejšy tydzień, moža, 10 dzion.
«Ale ŭsio roŭna ludzi buduć chvareć. Chaj lohka, lepš, viadoma, lohka. Ale samaje hałoŭnaje, na što ja spadziajusia, pakolki my nie izalavali ludziej, my paźbiehli voś hetaj druhoj chvali. Abo navat nie druhoj chvali, a kali ludzi vyjšli z kvater ačmurełyja, asłablenyja, u panicy», — miarkuje jon.
«Adzinyja ŭ śviecie my pajšli svaim šlacham: vyjavili čałavieka, jaho kantakty izalujem i pačynajem lačyć. … U Minsku 270 ekipažaŭ daktaroŭ u paliklinikach, i jany nazirajuć usich doma. Tyja, chto ŭ nas pad nahladam, tysiač, napeŭna, 10, jakija praktyčna nie chvarejuć, ale my na ich hladzim, kab jany nie zarazili inšych, trymajem u izalacyi. U nas taksama 10 tysiač pad izalacyjaj, ale tych, kaho pavinny my trymać, a nie ŭsich skopam. Voś toj, chto začyniŭ ludziej, toj i atrymaŭ hetuju zarazu», — skazaŭ Łukašenka.
Pavodle źviestak na 16 červienia, u Biełarusi zafiksavana 55 369 vypadkaŭ COVID-19 (+689 za sutki). Minzdaroŭja ŭžo dva miesiacy nie daje statystyku pa abłaściach, asobnyja źviestki traplajucca tolki pa asobnych rajonach.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary