Urad źmianiŭ pamiery sutačnych i raschodaŭ na žyllo pry kamandziroŭkach za miažu. Adpaviednaja pastanova ŭrada apublikavana siońnia na Nacyjanalnym pravavym internet-partale, paviedamlaje BIEŁTA.
Naprykład, dla kamandziravanych u Aŭstryju sutačnyja pavialičanyja z 60 da 100 jeŭra, pry hetym vydatki na žyllo źnižany z 130 da 110 jeŭra. Pry kamandziroŭkach u Azierbajdžan sutačnyja pamienšany z $60 da $35, vydatki na žyllo - z $120 da $ 75.
Dla Litvy sutačnyja pavialičanyja z 30 da 55 jeŭra, vydatki na žyllo - z 70 da 115 jeŭra, asobnaj hradacyi dla Vilniu, Kaŭnasa, Kłajpiedy ciapier nie praduhledžana. Dla Łatvii sutačnyja i pakryćcio vydatkaŭ na žyllo składajuć 60 i 110 jeŭra adpaviedna (raniej 50 i 70 jeŭra, pry hetym dla Ryhi Vientśpiłsa i Jurmały - 50 i 110 jeŭra).
Sutačnyja pry kamandziroŭkach u Polšču pavialičany z 50 da 65 jeŭra, pakryćcio vydatkaŭ na pražyvańnie zastałosia na ŭzroŭni 150 jeŭra. Dla Ukrainy sutačnyja vyraśli z $ 40 da $ 55, vydatki na žyllo składuć $ 105 (raniej $ 90 dla ŭsioj krainy, $ 120 dla Kijeva).
Pry kamandziravańni ŭ Rasiju sutačnyja pamienšany z $ 30 da $ 25, vydatki na žyllo — z $ 120 da $ 80. Pry hetym dla Maskvy i Sankt-Pieciarburha normy raschodaŭ pavialičanyja - sutačnyja składajuć $ 40, na žyllo - $ 145. Asobnyja narmatyvy ŭstanoŭleny dla niekalkich bujnych rasijskich haradoŭ
Kamientary