Lavon Volski: Voś što my atrymali za 26 hadoŭ — dyk heta kožny pa aŭtazaku!
«Voś što my atrymali za 26 hadoŭ - dyk heta kožny pa aŭtazaku! Kožny. Pa aŭtazaku. U kahości aŭtazak kamfortny - niekalki pakojaŭ, dobry sučasny dyzajn. U inšaha - adnapakajovy biez vyhodaŭ. Siarod niekalkich miljonaŭ aŭtazakaŭ, viedajecie, roznyja traplajucca. Jość takija, što z vyhladu i nie aŭtazak, i ty sam, nibyta, im kiruješ, ale nia treba siabie padmanvać. Usio adno heta aŭtazak. Siońnia jon čysty, śvietły, soniečny, ale niama harantyi, što zaŭtra nie pieratvorycca ŭ zvyčajny zmročny zakratavany boks. Ja bačyŭ takija metamarfozy, i nie adnojčy. Voś pierasoŭvajemsia my ŭ hetych aŭtazakach pa svaich haradach, miastečkach i vioskach. I ŭvieś čas my niešta pavinnyja. Musim dakazvać, što my nie darmajedy, što svoječasova za ŭsio nieabchodnaje zapłacili, što my lubim svoj ułasny aŭtazak - małuju radzimu, i adzin vialiki pryŭkrasny stabilny silny i praćviatajuščy ahulny aŭtazak. Jaho jašče našyja načalniki nazyvajuć tak pryhoža… Daj Boh pamiaci, niešta vylecieła z hałavy… Nu, tak pryhoža, vielična nazyvajuć… A! Voś, uspomniŭ: «hosudarstvo dla naroda» — napisaŭ muzykant u svaim fejsbuku.
Kamientary