Pieramožca «Słavianskaha bazaru»: Basta, hodzie! Mnie soramna, što ja byŭ častkaj hetaha miechanizma
Uładalnik Hran-pry «Słavianskaha bazaru» śpiavak Alaksiej Hros viečaram 28 červienia ŭ siabie ŭ instahramie raskazaŭ, što pavinien byŭ vystupać na Respublikanskim bali vypusknikoŭ, ale niezadoŭha da mierapryjemstva jamu patelefanavali i admianili heta i inšyja vystupleńni. Śpiavak apublikavaŭ niekalki krytyčnych dopisaŭ pra situacyju ŭ krainie, pra nieabchodnaść sumlennych i spraviadlivych vybaraŭ u Biełarusi.
«Kali dla siońniašniaha kiraŭnictva Biełarusi ludzi kultury, mastactva i miedyja — heta biezabličnyja piersanažy i skamarochi, to tady mnie soramna, što ja byŭ častkaj hetaha miechanizma!
Dzieści miesiac tamu mianie zaprasili (i zaćvierdzili!) z vystupami na «Prezidencki bal» dla vypusknikoŭ, na śviatočny kancert 2 lipienia ŭ Pałacy Respubliki napiaredadni Dnia Niezaležnaści i na 3 lipienia na tradycyjnuju placoŭku — Stełu! Nu i na adkryćcio «Słavianskaha bazaru ŭ Viciebsku» jak uładalnika Hran-pry 2016 hoda. Praviedziena była praca: zaćvierdžany repiertuar, kaściumy (nie ŭśmichajciesia, u nas jašče tak), zapis ahulnych piesień i h. d. A litaralna niekalki dzion tamu pačuŭ zvanok: «Alaksiej, vas prybrali z usich kancertaŭ!» Pryčyna — publikacyi ŭ instahramie, dzie ja ŭsiaho tolki vykazvaju svajo mierkavańnie jak hramadzianin Biełarusi nakont pieradvybarčaj situacyi ŭ krainie, dy i situacyi ŭ cełym, dzialusia svajoj reakcyjaj na zatrymańni mirnych ludziej i źbiraju ludziej dla ŭdziełu ŭ vałanciorskaj dapamozie daktaram», — piša śpiavak.
Jon zapeŭnivaje, što nie adzin trapiŭ u padobnuju situacyju.
«Da siońnia ja ličyŭ, što padobnyja publikacyi i vykazvańni kaleh, spartsmienaŭ, błohieraŭ — heta chutčej peŭny chajp. Ciapier ža dakładna razumieju, što heta ŭsiaho tolki hramadzianskaja pazicyja (i navat nie palityzacyja!), jakoj biełarusy tolki pačynajuć dzialicca, a za jaje na ludziej užo svaracca. Basta, hodzie», — napisaŭ Hros.
Ciapier čytajuć
«Biełarusy dastatkova mudryja, kab čakać». Sieviaryniec vystupiŭ u Vilni14
Kamientary