Kanapackaja: Ja — nie spojler Łukašenki, a adziny z palitykaŭ, chto kaža, što ŭ Biełarusi — dyktatura
Eks-deputat Pałaty pradstaŭnikoŭ Hanna Kanapackaja padała ŭ CVK dakumienty na rehistracyju kandydatam u prezidenty, paviedamlaje Tut.by.
Pierad uvachodam u budynak CVK Kanapackaja, jakaja sabrała za svajo vyłučeńnie bolš za 110 tysiač podpisaŭ, zajaviła žurnalistam, što aceńvaje svaje šancy być nie tolki zarehistravanaj, ale i vyjhrać vybary jak dosyć vysokija — «inakš nie treba było ŭviazvacca ŭ hetuju kampaniju».
Eks-deputat taksama ličyć, što ŭ jaje surjoznaja padtrymka ŭ hramadstvie.
— Toje, što ja nie pieršy hod u palitycy, i ŭsia maja dziejnaść, jakuju ja ažyćciaŭlała, budučy deputatam Pałaty pradstaŭnikoŭ, i tyja vodhuki, jakija ja atrymlivaju, kažuć pra toje, što padtrymka jość, — skazała Kanapackaja.
Na pytańnie ab tym, što jana adkaža ludziam, jakija ličać jaje spojleram Alaksandra Łukašenki, Kanapackaja zajaviła, što jany pamylajucca.
— U prykład jašče raz pryviadu ŭsie tyja zakonaprajekty i ŭsie tyja dziejańni, jakija ja ažyćciaŭlała, budučy deputatam Pałaty pradstaŭnikoŭ, usie tyja zajavy, jakija ja rabiła pa lehitymnaści Pałaty pradstaŭnikoŭ, pa zakonnaści praviadzieńnia vybaraŭ 9 žniŭnia, ab toj situacyi i palitycy, jakaja pravodzicca ŭ krainie.
I, napeŭna, ja adziny z usich palitykaŭ, chto dazvalaŭ sabie kazać, što ŭ Biełarusi dyktatura, a va ŭładzie adpaviedna znachodzicca [dyktatar], — skazała Hanna Kanapackaja.
Eks-deputat zdała ŭ CVK i dekłaracyju ab dachodach za 2019 hod. U joj paznačana, što za minuły hod, budučy tady deputatam Pałaty pradstaŭnikoŭ, jana zarabiła 45 741 rubiel 12 kapiejek.
— Siudy ŭvajšli i zarabotnaja płata deputata, i niavykarystany pracoŭny adpačynak, i pakryćcio padatku za navučańnie dziciaci ŭ BDU. Nasamreč deputacki zarobak u siarednim składaje kala 2,5 tysiačy rubloŭ naličanych, — raspaviała Hanna Kanapackaja.
Ciapier čytajuć
Minsk, Varšava, Vilnia — paraŭnoŭvajem, dzie praściej kupić kvateru čałavieku ź siaredniaj zarpłataj1
Kamientary