Niekalkim biełarusam u Niamieččynie, jakija trapili ŭ vybarčyja kamisii, ciapier admovili
Pradstaŭniki ambasady ŭ Berlinie i konsulstva ŭ Miunchenie patłumačyli heta epidemijalahičnaj sytuacyjaj. Niamieččyna była adnym ź niamnohich miescaŭ, dzie ŭ vybarčyja kamisii trapili pradstaŭniki biełaruskaj dyjaspary, a nia tolki supracoŭniki dyplamatyčnych misij, piša «Svaboda».
U kamisiju na ŭčastku, jaki mieścicca ŭ pasolstvie Biełarusi ŭ Berlinie, była abranaja Jaŭhienija Lavonava, jakaja pracuje ŭ adnym ź niamieckich onłajn-bankaŭ. Adnak 10 lipienia pradstaŭniki pasolstva paviedamili joj, što kolkaść siabraŭ vybarčaj kamisii skaročanaja.
«Ja ŭžo była na pieršym pasiedžańni kamisii, i mnie dasłali plan pracy na vybary. Ale siońnia mnie patelefanavali i paviedamili takuju navinu. Mnie skazali, što pryjšła nota ź Ministerstva zamiežnych spraŭ Biełarusi, što vybary ŭ Niamieččynie pavinny pravodzicca z zaściarohami ŭ suviazi z epidemijalahičnaj sytuacyjaj. Tamu kamisiju z vaśmi čałaviek skaracili da šaści», — raskazała Jaŭhienija Lavonava «Radyjo Svaboda».
Artur Roo byŭ adnym z dvuch čałaviek, jakija «zvonku» trapili ŭ kamisiju na ŭčastku ŭ hieneralnym konsulstvie ŭ Miunchenie. Siońnia ich abaich taksama vyklučyli z kamisii, i ciapier u joj zastalisia tolki try čałavieki z konsulstva, raskazaŭ jon «Radyjo Svaboda».
«Konsuł skazała, što heta na padstavie epidemsytuacyi ŭ Niamieččynie i pastanovy niamieckaha ŭradu. Ja spytaŭsia, čamu jany kirujucca niamieckim zakanadaŭstvam na terytoryi Respubliki Biełaruś (Majecca na ŭvazie terytoryja konsulstva — RS). Na heta nie było nijakaha adkazu».
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary