Śviatłana Cichanoŭskaja, Vieranika Capkała i Maryja Kaleśnikava zaprasili na teledebaty Alaksandra Łukašenku. Pra heta jany paviedamili padčas žyvoha efiru na «Radyjo Svaboda».
«Tak skłałasia situacyja ŭ krainie, što adzin z kandydataŭ nikoli nie vychodzić na debaty. My tak razumiejem, što heta nižej za jaho hodnaść, nižej za jahony ŭzrovień. Ale, moža być, jon prymie prapanovu ad troch dziaŭčyn, ad kandydata-dziaŭčyny, i vyjdzie ź joj na debaty», — skazała Vieranika Capkała.
«Ja, na žal, napeŭna, nie zmahu tam być, tamu što nie chaču mieć znosin z čałaviekam, jaki addaŭ niepasredny zahad, jak jon sam u hetym pryznaŭsia, schapić majho muža praz takuju pravakacyju i pasadzić jaho ŭ SIZA», — skazała Śviatłana Cichanoŭskaja.
«Nu voś my jaho spytajem. I pahladzim jamu ŭ vočy», — skazała Vieranika Capkała.
Kamientary