Cichanoŭskaja: Radujusia, kali čuju, jak moładź havoryć pa-biełarusku. Treba bolš biełaruskamoŭnych škoł
Padčas žyvoha efiru na Svabodzie z abjadnanym štabam Śviatłana Cichanoŭskaja i Maryja Kaleśnikava vykazalisia pra biełaruskuju movu.
Na pytańnie «čamu amal niama zvarotaŭ pa-biełarusku i niama ahitacyjnych materyjałaŭ?» Maryja Kaleśnikava paviedamiła, što biełaruskaja mova — meta budučyni.
Śviatłana Cichanoŭskaja adkazała pa-biełarusku.
«Bolšaja častka našaha nasielnictva dumaje i havoryć pa-rusku, tamu im było b ciažka ŭsprymać biełaruskuju movu ŭ našych pramovach. Dumaju, my abaviazkova dadamo jaje ŭ ahitacyjnyja materyjały. Ja vučyła biełaruskuju movu ŭ asnoŭnym u vioscy, kali pryjazdžała da babuli. Nichto nie admaŭlaje kaštoŭnaść biełaruskaj movy, treba bolš biełaruskamoŭnych škoł, pra heta kazaŭ i Siarhiej Cichanoŭski. Bo ŭ Minsku ciapier tolki dźvie biełaruskamoŭnyja škoły. Ja zaŭždy radujusia, kali čuju, jak moładź havoryć pa-biełarusku», — skazała Śviatłana Cichanoŭskaja.
Śviatłana Cichanoŭskaja paabiacała padumać, jak pašyryć vykarystańnie biełaruskaj movy ŭ kampanii.
Kamientary