Biznes u Biełarusi rychtujecca da spynieńnia padtrymki pakieta SAP Business Suite 7, kudy ŭvachodzić papularnaja sistema SAP ERP 6.0. Adbudziecca heta ŭ kancy 2027 hoda, ale «prapampavacca» lepš zahadzia. Zhodna sa źviestkami IBA Group, mnohija kampanii ŭžo pierachodziać na bolš sučasnuju płatformu — SAP S/4HANA.
Kali hadami pracavać u adnoj sistemie i nie abnaŭlać jaje, jana z kožnym hodam usio bolš razrastajecca i ŭsio macniej stareje. Kali svoječasova ničoha nie zrabić, to ŭźniknuć ciažkaści: niedzie viersija nie budzie adpaviadać, dzieści nie atrymajecca zapuścić pravierku abo vykarystać moduli. Sistema, jakaja sastareła ŭžo siońnia, praz 7 hadoŭ sastareje kančatkova, a admovicca ad jaje ŭsio adno daviadziecca, adznačajuć ekśpierty.
Jany rajać vydatkavać hety čas na znajomstva ź sistemaj S/4HANA, jakaja budzie aktualnaj minimum da kanca 2040 hoda. Jaje adroźnivajuć vysokaja pradukcyjnaść, analityka ŭ režymie realnaha času, mahčymaści vykarystańnia vobłačnych rašeńniaŭ i prosty interfiejs.
Ciapier bolš za 3500 karystalnikaŭ pracujuć u sistemach SAP S/4HANA, jakija realizavany IBA Group u roznych krainach. Załaty servisny partnior SAP vałodaje statutami SAP S/ HANA i HANA Recognized Expertise.
Pry «mihracyi» płatformaŭ važna pieranieści ŭsie nieabchodnyja źviestki. Čym ich mienš, tym usio tańniej i chutčej. Tamu śpiecyjalisty rajać užo ciapier pravieści techničnuju acenku. Jana pakaža, kolki času i resursaŭ spatrebicca dla pierachodu, jak spłanavać pracu, jakija mahčymyja ryzyki i novyja mahčymaści. A dalej možna vyrašać: ukaraniać novuju ERP ciapier, praz hod ci 5 hadoŭ.
Techničnaja acenka kaštuje u dziasiatki razoŭ tańniej, čym sama «mihracyja». Adznaka zaležyć ad pamieru sistemy i zajmaje ad 2 tydniaŭ da 2-3 miesiacaŭ. Na samu «mihracyju» treba ad 3 da 7 miesiacaŭ u zaležnaści ad pamieru kampanii. Pry hetym u IBA vyłučajuć 4 scenary — ad novaha ŭkaranieńnia da pieraŭtvareńnia i transfarmacyi.
«Pierajści na S/4HANA jak maha raniej varta jašče i dla taho, kab nie ŭźnikała prablem z abnaŭleńniami i «mihracyjaj» źviestak. Dla niekatorych kampanij taksama aktualny pierachod na jaje vobłačnuju viersiju. Tym bolš što ŭ joj dastupnyja mnohija mahčymaści dla ličbavaj transfarmacyi biznesu», — adznačajuć u IBA Group.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary