«Łukašenka sprabuje demanizavać niezaležnyja ŚMI». Zajava kiraŭnictva Radyjo Svabodnaja Jeŭropa/Radyjo Svaboda
Alaksandar Łukašenka šukaje padstavy, kab spynić pracu žurnalistaŭ Radyjo Svaboda ŭ Biełarusi, zajaviła vykanaŭca abaviazkaŭ prezydenta Radyjo Svabodnaja Eŭropa/Radyjo Svaboda Dejzi Syndełar.
Hetkim čynam Dejzi Syndełar adreahavała na siońniašniaje vykazvańnie Alaksandra Łukašenki, u jakim jon zaklikaŭ ministra zamiežnych spraŭ Uładzimiera Makieja «vydvarać z krainy» žurnalistaŭ, jakija nibyta «zaklikajuć da masavych biesparadkaŭ».
«Radyjo Svabodnaja Eŭropa/Radyjo Svaboda admaŭlaje aburalnaje abvinavačvańnie, zroblenaje prezydentam Biełarusi Alaksandram Łukašenkam, jak mahčymuju padstavu, kab spynić našu dziejnaść za toje, što my «zaklikajem da biesparadkaŭ», — skazała Dejzi Syndełar. — Radyjo Svaboda/Radyjo Svabodnaja Eŭropa nia robić ničoha padobnaha — naadvarot, našy žurnalisty sami stali ŭ apošnija dni achviarami nieabhruntavanych zatrymańniaŭ milicyjaj i hvałtu za toje, što prosta vykonvali svaju pracu».
Dejzi Syndełar dadała:
«Abvinavačańnie Łukašenki sprabuje demanizavać i skazić rolu niezaležnych ŚMI ŭ Biełarusi, jakija paviedamlajuć pra poŭny spektar padziej, źviazanych z vybarami prezydenta 9 žniŭnia. My ćviorda namieranyja praciahvać našu važnuju pracu dla naroda Biełarusi i asudžajem vykarystańnie aficyjnymi asobami nieabdumanaj rytoryki i pahroz, jakija staviać pad udar našych žurnalistaŭ».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty3
Kamientary