«Radyjo Svaboda»: Fizičny pusk BiełAES zapłanavali za dva dni da prezidenckich vybaraŭ
Fota Nadziei Bužan
Pavodle infarmacyi «Svabody» ad krynic u «Rasatamie», «fizičny» pusk Biełaruskaj AES zapłanavali na 7 žniŭnia, za dva dni da vybaraŭ prezidenta.
«Na hetaj uračystaści buduć prysutničać delehacyi vysokaha ŭzroŭniu i žurnalisty, zaprošanyja vyklučna biełaruskim bokam. Biełaruski ŭrad arhanizuje ŭsio hetaje mierapryjemstva, hetym razam «Rasatam» nie zmoža zaprasić presu sa svajho boku».
«Rasatam» budzie ładzić tak zvany «enierhietyčny» pusk stancyi pryblizna praz 90 dzion, tearetyčna bližej da novaha hoda», — paviedamili krynicy ŭ kampanii, ale taksama dadali, što ŭdzieł u hetaj imprezie budzie zaležać ad epidemičnaj situacyi i zhody biełaruskich uładaŭ.
«Rasatam» praciahvaje pracavać pavodle zaćvierdžanaj prahramy budaŭnictva i zaležyć na kožnym etapie ad pryjomki biełaruskim bokam.
Aficyjnaha paćviardžeńnia daty «fizičnaha pusku» Biełaruskaj AES pakul nie maje ni kiraŭnictva «Rasatama», ni dyrekcyja BiełAES.
Načalnik adździeła infarmacyi i hramadskich suviaziaŭ BiełAES Eduard Śviryd u razmovie z karespandentam Svabody skazaŭ, što «pieršy raz čuje pra takija płany». U maskoŭskaj štab-kvatery «Rasatama» taksama adznačyli, što na 7 žniŭnia ŭ ichnym kalendary «ničoha nie zapłanavana».
Raniej išła razmova pra pusk u pieršaj dekadzie žniŭnia.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary