U Minsku zatrymali jašče adnaho naziralnika. Siabar: «Jon užo na Akreścina, dali 12 sutak»
U Minsku zatrymali jašče adnaho naziralnika. Illa Razbojnikaŭ znachodziŭsia kala siaredniaj škoły № 191 na vulicy Haradzieckaj. Pra heta TUT.BY paviedamiŭ jaho siabar.
Illa Razbojnikaŭ byŭ naziralnikam na 47-m učastku, jaki znachodzicca ŭ siaredniaj škole № 191, što na vulicy Haradzieckaj.
4 žniŭnia ź im razmaŭlaŭ TUT.BY — tady Illu i inšaha naziralnika Juryja Braŭera z 49-ha ŭčastka vypravadzili z budynka, na padstavie taho, što jany pieraškadžajuć vartaŭniku.
U vyniku ŭ toj dzień naziralniki ličyli tych, chto pryjšoŭ na ŭčastki, stojačy la ŭvachodu ŭ škołu.
Siońnia kala 11 hadzin ranicy Illu zatrymali. Jahony siabar Mikita źviazaŭsia z redakcyjaj i raspavioŭ, što jamu viadoma.
— Vidavočcy raspaviadajuć, što Illa razam ź inšymi naziralnikami stajali kala ŭvachodu na ŭčastak, nikoha nie čapali. U niejki momant pryjšli dva čałavieki ŭ cyvilnym i metanakiravana pajšli ŭ bok Illi. Razmaŭlali, dyjałoh nichto nie čuŭ, ale praź niekatory čas jaho paviali ŭ bok. Supraciŭ Illa nie akazvaŭ, ni z kim nie łajaŭsia. Heta dobra vidać na videa, jakoje paśpieli źniać.
Paśla abiedu svajakam udałosia daviedacca, što Illa ŭ Pieršamajskim RUUS. Pavodle infarmacyi siabra, potym jaho pavieźli ŭ sud, a adtul — u izalatar na Akreścina.
— Nam viadoma, što jamu prypisali «chulihanku» i «supraciŭ» i pa kožnym artykule dali šeść sutak, usiaho 12. Śviedki davali pakazańni ŭ sudzie, što jon abražaŭ staršyniu kamisii, a taksama supraciŭlaŭsia supracoŭnikam AMAP.
U Biełarusi ciapier idzie daterminovaje hałasavańnie na vybarčych učastkach. Pravaabaroncy paviedamlajuć pra zatrymańni niezaležnych naziralnikaŭ — takich situacyj było jak minimum 12.
Ciapier čytajuć
Represii razhaniajucca ci zapavolvajucca? Davajcie ličyć7
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary