Fond Capkały i Prakopjeva abiacaje dapamohu členam vybarkamaŭ, jakija raskažuć pra falsifikacyi
Eks-kiraŭnik PVT Valeryj Capkała i restaratar Vadzim Prakopjeŭ stvaryli fond dapamohi paciarpiełym ad palityčnych represij. Pra heta Capkała raspavioŭ u intervju AHP-TB.
— Va Ukrainie my stvaryli fond dapamohi paciarpiełym ad palityčnych represij. Jaho meta — padtrymać siabraŭ vybarčych kamisij, jakija admoviacca falsifikavać vybary i publična raskažuć biełaruskaj hramadskaści ab realnych vynikach vybaraŭ na svaich učastkach. Heta mohuć być nastaŭniki, zavučy, čynoŭniki nievysokaha ŭzroŭniu, jakija mohuć paciarpieć z-za svajoj pazicyi. Im moža pahražać niepraciahnieńnie kantrakta. I zadača fondu — akazać takim ludziam jurydyčnuju dapamohu, finansavuju padtrymku, a taksama dapamahčy ŭ pracaŭładkavańni ŭ krainach-susiedziach, — raspavioŭ Valeryj Capkała.
Pavodle jaho słoŭ, u fond užo pačali pastupać srodki ad biznesmienaŭ biełaruskaha pachodžańnia, jakija znachodziacca ŭ Rasii. Taksama čakajucca pastupleńni hrošaj z Polščy.
Kamientary