U biełaruskich parłamientaryjaŭ na siońniašni dzień nieadnaznačnaje staŭleńnie da pytańnia ab pryznańni Paŭdniovaj Asiecii i Abchazii.
Ab hetym paviedamiŭ siońnia žurnalistam staršynia Pałaty pradstaŭnikoŭ Nacyjanalnaha schodu Biełarusi Uładzimir Andrejčanka, adkazvajučy na pytańnie karespandenta BIEŁTA.
«Pytańnie ab pryznańni vielmi niaprostaje. Pałata pradstaŭnikoŭ moža ŭ luby momant uklučyć heta pytańnie ŭ paradak dnia, i tut niama nijakich prablem, — padkreśliŭ Uładzimir Andrejčanka. — Inšaja sprava, što na siońniašni dzień u našych parłamientaryjaŭ nieadnaznačnaje staŭleńnie da hetaha pytańnia. Jość roznyja punkty hledžańnia, i z momantu pastupleńnia zvarotu parłamientaŭ Paŭdniovaj Asiecii i Abchazii ŭ biełaruski Nacyjanalny schod prajšło užo davoli šmat času. U kamisii heta pytańnie abmiarkoŭvajecca, ale adzinstva pakul niama».
«Na moj pohlad, i prezident Biełarusi hetym zaniepakojeny, jon usio ž taki chacieŭ by, kab pa hetamu pytańniu było bolšaje adzinstva ŭ našaha parłamienta. Tady my, napeŭna, uklučym heta pytańnie ŭ paradak dnia. Pakul ja pa pavodzinach deputataŭ baču, što pytańnie nie vyśpieła», — adznačyŭ staršynia Pałaty pradstaŭnikoŭ.
Jon taksama nahadaŭ, što Biełaruś sa svajho boku akazała humanitarnuju dapamohu i ŭniesła prapanovu ab pryniaćci na azdaraŭleńnie dziaciej. «Parłamientaryi Paŭdniovaj Asiecii i Abchazii prysutničajuć u jakaści nahladalnikaŭ u Parłamienckim schodzie Sajuza Biełarusi i Rasii», — dadaŭ Uładzimir Andrejčanka.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary