Asnoŭnaje za dzień: stvareńnie Kaardynacyjnaj rady, rola Łatuški, farmiravańnie Nacyjanalnaha stačkama
Členy Kaardynacyjnaj rady pry Cichanoŭskaj praviali pieršuju pres-kanfierencyju. Jana zrabiła mocnaje ŭražańnie — intelihientnyja, padrychtavanyja, strymanyja. Pavieł Łatuška vyhladaje novym niefarmalnym lidaram Kaardynacyjnaj rady — maje značeńnie i palityčny vopyt, i intelektualnaja baza.
Łukašenka pahražaje siabram Kaardynacyjnaj rady, nazvaŭ jaje sprobaj zachopu ŭłady.
Biełaruśkalij praciahvaje zabastoŭku.
Kanhres demakratyčnych prafsajuzaŭ stvaryŭ arhkamitet nacyjanalnaha stačkama, jaki budzie kaardynavać zabastoŭščykaŭ i dapamahać finansava.
Za niekalki dzion dla dapamohi bastujučym sabrali bolš za 1 młn dalaraŭ.
Mierkiel havaryła z Pucinym, havaryli i rasijski dy niamiecki ministry. Pasłańnie Kramla pa vynikach razmovy: inšyja krainy nie pavinny ŭmiešvacca va ŭnutranyja spravy Biełarusi.
Šmattysiačny mitynh sabraŭsia znoŭ na płoščy Niezaležnaści ŭ Minsku.
Z mocnaj zajavaj vystupiŭ kapitan-pahraničnik z Hrodna.
U mnohich haradach siońnia i zaŭtra źbirajuć biudžetnikaŭ na mitynhi za Łukašenku.
Ułady zajavili pra pavyšeńnie vypłat piedahoham.
I dźvie trahičnyja naviny: znojdzieny miortvym člen vybarčaj kamisii z Vaŭkavyska, jaki nie padpisaŭ pratakoł vynikaŭ hałasavańnia 9 žniŭnia. I MUS paviedamiła pra dziŭnuju śmierć demanstranta pad kołami aŭto a 3:20 nočy na Partyzanskim praśpiekcie — dziŭnuju, bo nijakich demanstracyj a 3-j nočy nie było.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?1
Kamientary