Andrej Kurejčyk: Biełarusy, vy choć zrazumieli, što adbyłosia?!
Siońnia čytaŭ šmat sumnych pastoŭ. Depresija… Sił niama… Emacyjny spad… Jašče 31 lipienia my ličyli vialikim hierojstvam 30 siekund pieśni «Pieramien» Coja, jakuju vyrubiŭ kiraŭnik rajona, a chłopcaŭ tut ža zabrali «cichary». A siońnia «Pieramien» danosicca z kožnaj mašyny, kožnaha dvara, na kožnaj centralnaj płoščy biełaruskich haradoŭ.
Jašče 2 tydni tamu namieśnik načalnika RAUS asabista pryjazdžaŭ z vyškaj i zdymaŭ ściah z bałkona, pahražajučy štrafam. Siońnia ściahi Biełarusi łunajuć nad zamkami, muziejami, płoščami, tyrčać z kožnaj treciaj mašyny i ź imi ludzi hulajuć pa haradach! I milicyjanty radasna kivajuć ludziam z nacyjanalnaj simvolikaj. I heta za 14 dzion!
Jašče 2 miesiacy tamu pratestoŭcy suprać akumulatarnha zavoda ŭ Breście stajali pa stojcy «śmirna» pierad Łukašenkam, słuchajučy jahonyja hanarystyja pavučańni «nie moža być u prezidenta 3%». A siońnia pracoŭnyja MZKC ŭ tvar jamu skandujuć «Sychodź»!
Ja pamiataju, jak pieršy 10-tysiačny mitynh na Banhałor, na jaki prasili nie prynosić bieł-čyrvona-biełyja ściahi, usprymaŭsia jak nievierahodnaje dasiahnieńnie. A ciapier paŭmiljona ŭ Minsku i sotni tysiač pa rehijonach, stački na sotniach pradpryjemstvaŭ, abłoha telekanałaŭ — i narod pačynaje kisła miamlić «niešta jany źlivajuć pratest». Heta ŭ vas takaja karotkaja pamiać?
Jašče dva tydni tamu za padychod da administracyi vas chapali na raz. Ciapier tysiačy ludziej skandujuć «Hańba» la Kupałaŭskaha teatra za 50 mietrach ad administracyi Łukašenki biez usialakich dazvołaŭ ad «Zielanbuda» i milicyi! Narod admianiŭ paniaćcie «niesankcyjanavany mitynh».
Narod admianiŭ paniaćcie «niesankcyjanavanaja simvolika». Admianiŭ paniaćcie pijetetu pierad čynoŭnikami. I heta za 2 tydni!
Cana hetaha, viadoma, vialikaja. Zahinuŭšy. Sotni źbitych i traŭmavanych. 7000 zatrymanych. Heta my nie zabudziem i nie darujem.
Ale prastora svabody było pašyrana nievierahodna. Niemahčyma. Fantastyčna. Biełarusy — my nievierahodnyja! Heta naša kraina. Heta našy harady. Heta našy vulicy. Heta naša prastora svabody! I my jaje bolš nie addamo zaraz nikoli!
-
Režym Łukašenki časova stanie mienš ahresiŭnym da susiedziaŭ, ale stratehična budzie imknucca da avałodańnia atamnaj zbrojaj
-
«Znajšli krajniaha», a «pastaviać sałdafona jakoha-niebudź». U sacsietkach adreahavali na zvalnieńnie kiraŭnika «Minsktransa»
-
Cyhankoŭ: Nie padazravaŭ, što Babaryka źjaŭlajecca prychilnikam sacyjalizmu — mary siaredniaha čałavieka
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ11
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary