Chto taki Pavieł Łatuška, adzin ź niefarmalnych lidaraŭ Kaardynacyjnaj rady
Były ministr kultury i dypłamat Pavieł Łatuška staŭ adnym z kiraŭnikoŭ Kaardynacyjnaj rady. «Naša Niva» ŭspomniła staronki bijahrafii Łatuški.
Paŭłu Łatušku 47 hadoŭ. Jon karenny minčuk. Baćka i brat Paŭła Łatuški pamierli ŭžo. Sam Łatuška žyvie ŭ ścipłym domie ŭ pasiołku Ždanovičy pad Minskam.
Łatuška jašče studentam prajaviŭ nieabyjakija zdolnaści. Vučycca Łatuška pačaŭ na histaryčnym fakultecie BDU, ale skončyŭ užo jurydyčny. Potym zamacavaŭ viedy ŭ Linhvistyčnym univiersitecie. Ad 1995 — u struktury MZS. Byŭ konsułam Biełarusi ŭ Biełastoku. Ad 2000 da 2002 — pres-sakratar MZS. Pry hetym pryncypova karystaŭsia biełaruskaj movaj.
Zusim maładym, 29-hadovym, Łatušku pryznačyli pasłom Biełarusi ŭ Polščy. Nastolki maładych kiraŭnikoŭ dypmisij u Biełarusi nie było. Pryčym i pajechaŭ pracavać jon nie ŭ Turkmienistan ci Arhiencinu, a na adzin z samych adkaznych kirunkaŭ. Pasłom jon prabyŭ šeść hadoŭ. Heta byli składanyja časy ŭ adnosinach miž našymi krainami.
U 2009 Łatuška stanovicca ministram kultury. Na hetaj pasadzie jamu ŭdałosia prałabiravać prahramu «Zamki Biełarusi», jakaja praduhledžvała restaŭracyju zamkaŭ i pałacaŭ našaj krainy.
Ad 2012 da 2019 byŭ pasłom Biełarusi ŭ Francyi.
Apošni hod Łatuška byŭ kiraŭnikom Kupałaŭskaha teatra. Sprabavaŭ dać teatralnamu žyćciu novaje dychańnie. Pravioŭ oŭpen-ejr u dvoryku Kupałaŭskaha, nie bajaŭsia davać zhodu na śmiełyja pastanoŭki. U žniŭni 2020 padtrymaŭ paślavybarčyja pratesty, u vyniku čaho byŭ zvolnieny z pasady.
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi4
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary