Hienieralny vikaryj Minska Mahiloŭskaj archidyjacezii biskup Juryj Kasabucki aficyjna paviedamlaje, što 31 žniŭnia supracoŭniki pamiežnaj słužby Respubliki Biełaruś admovili va ŭjeździe ŭ krainu Mitrapalitu Minska-Mahiloŭskamu arcybiskupu Tadevušu Kandrusieviču, Staršyni Kanfierencyi Katalickich Biskupaŭ u Biełarusi.
Biskup Juryj Kasabucki ŭdakładniŭ, što ŭ paniadziełak 31 žniŭnia arcybiskup Tadevuš Kandrusievič viartaŭsia z zamiežnaj słužbovaj pajezdki.
Na pamiežnym pierachodzie Kuźnica Biełastockaja — Bruzhi supracoŭniki pamiežnaj słužby Respubliki Biełaruś admovili kiraŭniku biełaruskaha katalickaha jepiskapatu va ŭjeździe ŭ krainu biez tłumačeńnia pryčyny.
Staršynia Kanfierencyi Katalickich Biskupaŭ u Biełarusi Mitrapalit Minska-Mahiloŭski arcybiskup Tadevuš Kandrusievič źjaŭlajecca hramadzianinam Respubliki Biełaruś.
Pamiežny kamitet infarmacyju nie kamientuje.
Mitrapalit Kandrusievič paśla vybaraŭ niekalki razoŭ vykazvaŭ pratest suprać hvałtu ŭ Biełarusi, a taksama prychodziŭ pad ścieny SIZA na Baładarskaha i CIP na Akreścina. Jon taksama sudziŭ nazyvańnie palityčnych praciŭnikaŭ «adščapiencami» i zajaviŭ, što tak nazyvać inšadumcaŭ niadobra.
-
Ruku minčanki zaciahnuła ŭ ciestaraskatvałku: vyzvalać žančynu daviałosia z dapamohaj bienzareza
-
Zamiest štrafu za samahon — kryminalnaja sprava: na Słuččynie žančyna raśpichała chabar pa kišeniach učastkovym pakul jaje zdymali na kamieru
-
Vajskoŭcy źbili jak minimum adzin bieśpiłotnik 26 lutaha nad Homielem
Kamientary