Premjer Litvy: Pahrozy Biełarusi ŭvieści sankcyi ŭ adkaz — biespadstaŭnyja
Pahrozy Biełarusi ŭvieści sankcyi dla krain Bałtyi pazbaŭlenyja jakich-niebudź padstaŭ, kaža premjer Saŭlus Skviarnialis, piša delfi.lt.
«Zrazumieła, heta sprava krainy, kali jany bačać padstavy dla prymianieńnia niejkich sankcyj choć by ŭ dačynieńni da adnaho litoŭskaha palityka abo słužbovaj asoby, to heta ich vybar. Siońnia ja nie baču nijakich padstavaŭ dla hetaha», — skazaŭ Skviarnialis u sieradu na pres-kanfierencyi.
Ministr zamiežnych spraŭ Biełarusi Uładzimir Makiej u sieradu ŭ Maskvie zajaviŭ, što kraina ŭžo padrychtavała sankcyi ŭ adkaz u dačynieńni da Litvy, Łatvii i Estonii i zaćvierdziła «čorny» śpis, asobam ź jakoha budzie zabaronieny ŭjezd u Biełaruś.
Taksama raniej Alaksandr Łukašenka ŭ aŭtorak zajaviŭ, što spadziajecca damovicca z Rasijaj ab pieranakiravańni tranzitu biełaruskich hruzaŭ z partoŭ krain Bałtyi ŭ rasijskija party.
Pa słovach Skviarnialisa, da takich pahroz Litva stavicca «z usioj surjoznaściu», adnak jon padkreślivaje, što heta ekanamična nie abhruntavanaje rašeńnie, jakoje pryčynić bolš škody samoj Biełarusi.
«Nam varta rychtavacca, šukać šlachi, kab dyviersifikavać ryzyki, źviazanyja z takim rašeńniem. Ja spadziajusia, što našym susiedziam chopić zdarovaha sensu, kab da ŭsiaho taho, što tam ciapier adbyvajecca, nie pryčyniać jašče i ekanamičnyja škody svajoj dziaržavie, svaim hramadzianam, svajmu narodu palityčnymi rašeńniami», — skazaŭ premjer.
Kamientary