Salihorski šachcior Jury Korzun pratestavaŭ u šachcie na 300-mietrovaj hłybini — jon admaŭlaŭsia vychodzić
Jość infarmacyja, što šachcior prykavaŭ siabie naručnikami da abstalavańnia.
«8 vieraśnia mnie spoŭniłasia 42.
Usio śviadomaje žyćcio ja žyvu pry režymie Łukašenki. Zaŭsiody byŭ apalityčny, ale ciapier nie mahu zastavacca ŭbaku, — napisaŭ jon «UKantakcie». —Usie siłavyja struktury pad jaho kiraŭnictvam pieravysili svaje paŭnamoctvy źbivajučy, katujučy, hvałtujučy mirnych pratestoŭcaŭ i vypadkovych minakoŭ, zastajučysia pry hetym biespakaranymi!
Usim nam viadoma, što robić złačyniec, adčuŭšy biespakaranaść! Jon paŭtaraje svaje złačynstvy z kožnym razam usio bolš udaskanalena i žorstka. I heta moža zakranuć kožnuju siamju ŭ našaj krainie!
Što heta kali nie sproba adradžeńnie fašyzmu?
Spynić pravavy defołt i prystupić da mirnaha dyjałohu zmohuć tolki rabočyja pradpryjemstvaŭ! Bolš ułada nie stanie słuchać nikoha! Tak zajaviŭ asabista Łukašenka.
Siońnia ja rablu svoj vybar! Pratest pačynaju na pracoŭnym miescy ŭ zaboi, haryzont-305m. cisnu STOP!!! Pakidać šachtu admaŭlajusia da pačatku vykanańnia maich patrabavańniaŭ».
Paśla 10:00 stała viadoma, što Juryju razrezali kajdanki i vynieśli jaho z šachty, adpraviŭšy ŭ pryjomny pakoj balnicy.
Tym časam kałona z 30 čałaviek u padtrymku Korzuna ruchajecca ŭ bok balnicy.
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary