Biełaruski Čyrvony Kryž akazvaje dapamohu pałomnikam-chasidam na miažy z Ukrainaj
Siły atradaŭ chutkaha reahavańnia Biełaruskaha tavarystva Čyrvonaha Kryža razhornutyja ŭ mižhraničnaj zonie pamiž Biełaruśsiu i Ukrainaj pablizu punkta propusku «Novaja Huta», piša «Interfaks».
Vałanciory «prapanavali ludziam, jakija apynulisia ŭ takoj situacyi, koŭdry, a taksama raźmiaścili aciaplanuju pałatku. U pieršuju čarhu dapamoha akazvałasia dzieciam, pažyłym ludziam i ludziam ź invalidnaściu. Byŭ arhanizavany punkt zabieśpiačeńnia vadoj i ciopłym pitvom (čaj)», — adznačyli ŭ arhanizacyi.
«Pry nieabchodnaści, vałanciory taksama prapanoŭvali žadajučym pradukty chutkaha pryhatavańnia. U niekalkich vypadkach akazvałasia i pieršaja dapamoha», — raspaviali ŭ BTČK.
Jak paviedamlałasia, pobač ź biełaruskim punktam propusku «Novaja Huta» sabralisia sotni pałomnikaŭ-chasidaŭ, jakija žadajuć trapić u horad Umań na śviatkavańnie Roš cha-Šana, iudziejskaha Novaha hoda.
Biełaruskija pamiežniki prapuścili pałomnikaŭ, ale na terytoryju Ukrainy ich nie puścili praz abmiežavańni, źviazanyja z karanavirusam. Na niejtralnaj pałasie sabrałasia kala 700 čałaviek.
Dałamahčy chasidam skazaŭ i Alaksandr Łukašenka.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary