Беларускі Чырвоны Крыж аказвае дапамогу паломнікам-хасідам на мяжы з Украінай
Сілы атрадаў хуткага рэагавання Беларускага таварыства Чырвонага Крыжа разгорнутыя ў міжгранічнай зоне паміж Беларуссю і Украінай паблізу пункта пропуску «Новая Гута», піша «Інтэрфакс».
Валанцёры «прапанавалі людзям, якія апынуліся ў такой сітуацыі, коўдры, а таксама размясцілі ацяпляную палатку. У першую чаргу дапамога аказвалася дзецям, пажылым людзям і людзям з інваліднасцю. Быў арганізаваны пункт забеспячэння вадой і цёплым пітвом (чай)», — адзначылі ў арганізацыі.
«Пры неабходнасці, валанцёры таксама прапаноўвалі жадаючым прадукты хуткага прыгатавання. У некалькіх выпадках аказвалася і першая дапамога», — распавялі ў БТЧК.
Як паведамлялася, побач з беларускім пунктам пропуску «Новая Гута» сабраліся сотні паломнікаў-хасідаў, якія жадаюць трапіць у горад Умань на святкаванне Рош ха-Шана, іудзейскага Новага года.
Беларускія памежнікі прапусцілі паломнікаў, але на тэрыторыю Украіны іх не пусцілі праз абмежаванні, звязаныя з каранавірусам. На нейтральнай паласе сабралася каля 700 чалавек.
Даламагчы хасідам сказаў і Аляксандр Лукашэнка.
Цяпер чытаюць
Ці спыніліся звальненні па палітычных матывах? Вось што расказалі ў некалькіх дзяржаўных арганізацыях5
Каментары