Apošnim časam niekatorym ludziam, jakija ŭdzielničali ŭ mitynhach i maršach, telefanujuć supracoŭniki milicyi i zaprašajuć ich «zajści na razmovu». «Naša Niva» pacikaviłasia ŭ advakata, što rabić u takich vypadkach.
«Tut u čałavieka jość try varyjanty pavodzinaŭ: nie iści ŭvohule, iści adnamu ci iści z advakatam, — kaža advakat Anton Hašynski. —
Varyjant pieršy: nie iści. Paviestki nie było, adpaviedna, adkaznaść za niajaŭku nie praduhledžanaja, možacie ihnoryć. Ale ž da vas mohuć pryjechać u kvateru. U takim razie treba pazvanić advakatu, rastłumačyć, što adbyvajecca, i čakać jaho. Pakul čakajecie, dźviery možacie nie adkryvać — łamać ich, chutčej za ŭsio, nie buduć, bo dla hetaha patrebnaja sankcyja prakurora. Kali advakat pryjedzie, jon raskaža, što rabić.
Varyjant dva: iści ŭ milicyju adnamu. Varyjant kiepski. Bo na vas mohuć akazvać cisk, vy možacie dać pakazańni nie na svaju karyść: pad pahrozami ci prosta vypadkova. U vyniku vas mohuć i zatrymać. Dy i kali budzie žadańnie, supracoŭniki mohuć prosta prydumać «niepadparadkavańnie rabotnikam milicyi», a heta ŭžo značyć pasadku na sutki. Kali vas zatrymajuć, to i svajakam, i advakatu paśla budzie ciažka vas znajści.
Varyjant try: adrazu skarystacca pasłuhami advakata. Hety varyjant najlepšy. Kali vam telefanuje milicyjant, zapišycie jaho imia, proźvišča, pasadu i miesca pracy. Paśla telefanujcie advakatu. Kali i iści ŭ milicyju, to lepš z advakatam. Jon niejtralizuje cisk na vas i, kali što, zmoža apieratyŭna padniać tryvohu, padać skarhu na dziejańni milicyi.
Nie treba bajacca. Kožny hramadzianin maje kanstytucyjnaje prava na jurydyčnuju dapamohu».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary