U Minsku prajšoŭ statysiačny Marš. Demanstranty padyšli da Akreścina i pakinuli pasłańni
Siońnia ŭ Minsku i haradach Biełarusi prajšoŭ Marš u padtrymku palitviaźniaŭ. Pratesty ŭ Biełarusi praciahvajucca ŭžo amal dva miesiacy. Na Maršy ŭ Minsku naličyli bolš za 100 tysiač udzielnikaŭ. Demanstranty padychodzili da Akreścina, kab pakinuć tam pasłańni da ŭładaŭ.
20:00
19:59
Pad dźviaryma kvatery minskaj fatohrafki Darji Sapranieckaj dziažuryć AMAP.
Darju siońnia zatrymali, ale adpuścili paśla pravierki dakumientaŭ. Praź niejki čas Darji pazvanili z Kastryčnickaha RUUSa Minska i zapatrabavali, kab jana tudy viarnułasia. Žurnalistka admoviłasia vykonvać takoje patrabavańnie. Ciapier jana šukaje advakata, kab źviarnucca da jaho pa dapamohu.
19:27
19:03
19:01
18:55
18:54
18:52
Minsk, praśpiekt Dziaržynskaha. Uviešany miedalami vieteran vitaje antyłukašenkaŭskich demanstrantaŭ. Jany skandujuć jamu «Dziakuj».
18:39
18:30
18:23
18:23
Minsk. Kala «Zubra» ludzi pierakryli ruch pa praśpiekcie Dziaržynskaha na ŭjezd.
18:22
«Viaśnie» ŭžo viadomyja imiony bolš za 90 zatrymanych siońnia ŭ časie pratestaŭ, poŭny śpis tut.
18:05
Pahladzicie, jak minčuki vitali pratestoŭcaŭ z bałkonaŭ. Foty Nadziei Bužan.
18:00
17:58
Minsk. Hałava asnoŭnaj kałony ŭžo dajšła da pierakryžavańnia z vulicaj Siamaški. Pa Siamaški ŭ bok Dziaržynskaha ruchajecca ź dziasiatak busaŭ siłavikoŭ i vadamiot.
17:55
Pa praśpiektu Žukava da Akreścina ŭsio jašče iduć davoli vialikija hrupy ludziej, jakija raniej adarvalisia ad asnoŭnaj kałony.
U toj ža čas častka ludziej ad vialikaj kałony adščeplivajecca, užo razychodziačysia pa damach. Tamu pa Žukava intensiŭny ruch u abodva baki.
17:53
Volhu Šparaha, člena Asnoŭnaha składu Kaardynacyjnaj rady, zatrymali ŭ Minsku na Kalvaryjskaj.
17:44
La Kalvaryjskich mohiłak znoŭ vykarystali vadamiot.
17:26
Kałona, jakaja padyšła da Akreścina, rušyć dalej. Pratestoŭcy kryčać: «Na praśpiekt».
17:21
Minsk. Hałava asnoŭnaj kałony ŭžo la Akreścina. Ludzi skandujuć «svabodu» i «vypuskaj».
Zdymačnuju hrupu BT, jakaja pryjechała siudy rabić repartaž, demanstranty sustreli vokličam: «Hańba!»
Na dachu izalatara staić supracoŭnik, jaki sprabuje zdymać pratestoŭcaŭ na kamieru. U momanty, kali jaho bačna, adzin z demanstrantaŭ śviecić jamu ŭ tvar łaziernaj ukazkaj, zaminajučy vieści zdymku. Ludzi skandujuć: «Pryhaj!»
17:14
U Babrujsku zatrymali žurnalistaŭ Marynu Maŭčanavu, Alesiu Łacinskuju, Dzianisa Nosava i Juryja Kamisarava.
Jany aśviatlali akcyju ŭ Babrujsku. Ciapier jany ŭ milicyi, paviedamlaje BAŽ.
Taksama ŭ časie akcyi ŭ Minsku zatrymali karespandenta Onliner Alaksandra Uładyku.
17:11
17:01
Minsk. Upieradzie asnoŭnaj kałony jeduć kala 20 ravarystaŭ. Jany adjazdžajuć upierad i padkazvajuć kiroŭcam, kudy źviarnuć, kab nie ŭjechać u kałonu. Rehulujuć ruch.
17:00
Na Savieckaj płoščy ŭ Hrodnie zatrymali 13-hadovuju dziaŭčynu. Za joj u pastarunak pryjechała maci
16:59
U 16.50 adkryty stancyi Płošča Pieramohi, Płošča Jakuba Kołasa. Na stancyi Płošča Lenina adkryty viestybiul 1 (Uvachod z boku vakzała). Zakrytyja stancyi Hrušaŭka i Michałova.
16:57
Asnoŭnaja kałona vychodzić na praśpiekt Dziaržynskaha. Da Akreścina — litaralna ź mietraŭ 500
16:50
«Mamu vypuścili paśla prafiłaktyčnaj hutarki, jakuju mamusik pravioŭ z načalnikam RUUS», — napisała ŭ fejsbuku Hanna Sieviaryniec pra svaju mamu Taćcianu Sieviaryniec, jakuju siońnia zatrymlivali ŭ Viciebsku
16:27
Tym časam u Viciebsku suprać pratestoŭcaŭ prymianili haz. U Babrujsku zatrymanyja 25 čałaviek i 4 žurnalisty.
U Minsku zatrymanaja žurnalistka Darja Sapranieckaja.
16:25
Kałona pajšła pa Puškina ŭ kirunku praśpiekta Žukava.
16:20
Prachodziać la miesca zabojstva Tarajkoŭskaha. Skandujuć: «Nie zabudziem, nie darujem».
16:17
Kolkaść udzielnikaŭ demanstracyi, što ruchajecca da praśpiekta Puškina dasiahaje 100 tysiač čałaviek, pieradajuć karespandenty «Našaj Nivy».
16:15
Zatrymany žurnalist «Anłajniera» Alaksandr Uładyka.
U Breście na Savieckaj zatrymali hałoŭnaha redaktara haradskoha časopisa «Binokl» Ksieniju Piatrovič i pazaštatnaha fotakarespandenta «Briestskoj haziety» Aleha Pališčuka.
16:13
Na Niamizie znoŭ pačalisia zatrymańni. Ludzi stali ŭ sčepku, pry zatrymańni adnaho ź ich stała drenna.
16:10
Hałava kałony dajšła da mietro Puškinskaja. Ź siaredziny ŭ kaniec kałony danosicca «Pačakajem!». Padličyć dakładnuju kolkaść pratestoŭcaŭ niemahčyma — jano pieravyšaje niekalki dziasiatkaŭ tysiač čałaviek.
Ludzi pieryjadyčna spyniajucca, kab kałona nie raściahvałasia, i skandujuć «Heta naš horad!», piša Tut.by.
15:55
Niekalki tysiač čałaviek rušać ad Haradskoha Vała pa Kalvaryjskaj u bok «Karony». Jany zaniali prajeznuju častku, nie daŭšy prajechać kałonie vajskovaj techniki, jakaja vymušana pavolna jechać za imi, bo abjechać niama jak — nasustrač ruchajucca zvyčajnyja aŭtamabili, jany zaciata sihnalać, padtrymlivajučy demanstrantaŭ.
15:46
Na praśpiekcie Mašerava siłaviki znoŭ užyli vadamiot suprać demanstrantaŭ. Vada maje śpiecyfičny pach i čyrvonaje adcieńnie, pieradaje karespandent @nashaniva. Ludzi ŭparta nie razychodziacca.
15:44
Ad praśpiekta Pieramožcaŭ niekalki tysiač rušyli ŭ bok Kalvaryjskaj. Ad Cimirazieva ŭ advarotny bok idzie tysiač siem.
15:42
Na praśpiekcie Mašerava siłaviki padyšli da kiroŭcy «Falksvahiena-Pasat», jaki prypyniŭsia, prapuskajučy demanstrantaŭ, i adabrali klučy ad aŭto. Adyšoŭšy mietraŭ na 20, siłaviki špurnuli klučy kiroŭcu pad mašynu.
15:38
Na vulicy Zasłaŭskaj demanstranty zakidali vadamiot kamianiami.
15:35
15:30
Na Mašerava demanstranty abstupili vadamiot, dastali ź jaho kantejniery z kalarovaj vadkaściu i vylili ich na darohu. Vadamiot źjechaŭ, pryjechali siłaviki.
15:27
Kala KFC na Niamizie zatrymańni.
15:25
Vadamiot užyli na praśpiekcie Mašerava. Idzie razhon demanstrantaŭ.
15:21
Tysiačy čałaviek zaniali prajeznuju častku praśpiekta Mašerava.
15:20
Ludzi vyjšli na Mašerava i rušyli ŭ bok skryžavańnia ź Cimirazieva. Iduć pa prajeznaj častcy. Ruchajecca kałona i pa Kalvaryjskaj u bok Steły.
15:16
Na Niamizie kala Pałaca sportu suprać demanstrantaŭ siłaviki ŭžyli vadamiot.
Ludzi ŭciakajuć u bok Vierchniaha horada i Opiernaha.
15:00
Kala Steły hučać papiaredžańni ad siłavikoŭ pra «niesankcyjanavanuju akcyju». Prysutnyja źviartajuć uvahu na novuju detal: ciapier kažuć pra zabaronu chaváć tvary za maskami.
14:51
Piešachodny mościk, jak iści ad haścinicy «Biełaruś» u bok steły, pierakryty siłavikami.
14:50
U Hrodnie zatrymali dźviuch žurnalistak: karespandentku Tut.bu i «Narodnaj voli» Volhu Kamiahinu, fatofa Tut.bu i «Narodnaj voli» Kaciarynu Hardziejevu.
14:44
Ad Niamihi da Steły patokam iduć tysiačy i tysiačy čałaviek, pieradaje karespandent «Naša Niva». Zatrymańni kropkavyja.
14:36
Kala haścinicy «Jubilejnaja» — zatrymańni, piša Jeŭraradyjo: siłaviki zatrymlivajuć tych, chto prosta siadzić tam.
14:30
U Viciebsku zatrymali «dla ŭdakładnieńnia asoby» žurnalistku Tut.by Taćcianu Maćviejevu i fatohrafa Alesia Pileckaha. Zatrymany taksama Siaržuk Sierabro (Narodnyja naviny Viciebska).
14:15
U Minsku pačalisia prablemy z mabilnym internietam.
14:05
Na Stele siońnia — vialikaja kolkaść siłavikoŭ i techniki.
13:47
Na praśpiekcie Mašerava ŭ Minsku cichary spyniajuć ludziej dla pravierki dakumientaŭ. Fiksujuć usio na kamieru, pravodziać tłumačalnyja hutarki.
13:40
Zakrytyja dla pasadki i vysadki st. m. Kupałaŭskaja/Kastryčnickaja, Pł. Pieramohi, płošča Jakuba Kołasa, pł. Lenina, Niamiha, Frunzienskaja, Maładziožnaja.
13:03
Vialikaja kolkaść busaŭ biez numaroŭ ź siłavikami zaparkavana na praśpiekcie Mašerava na parkoŭcy niedaloka ad Steły z boku parku Pieramohi, a taksama kala skryžavańnia Mašerava — Staražoŭskaja — Staravilenski trakt, paviedamlaje čytačka @nashaniva.
Akramia taho, čytačy pišuć, što pa ŭsim praśpiekcie Niezaležnaści ŭ centry ad płoščy Niezaležnaści da HUMa stajać asoby ŭ aliŭkavym i bałakłavach abo milicyjanty ŭ maskach.
11:35
U rajonie stancyi mietro «Puškinskaja», «Maskoŭskaja», pobač z płoščaj Niezaležnaści i ŭ inšych miescach byli zaŭvažanyja aŭtazaki i mikraaŭtobusy biez numaroŭ. Kala Pałaca Respubliki taksama siłaviki.
11:15
Tradycyjna ŭ horad padciahvajecca śpiectechnika. Tak, z boku Uručča ŭ napramku Lebiadzinaha ruchajucca dźvie kałony techniki, u pieršaj — aŭtazaki, piać vadamiotaŭ, 5—7 BTRaŭ i busy ź siłavikami, u druhoj — kala 8 BTRaŭ». Siłaviki ačapili Stełu, šmat vajskovaj techniki bačyli na praśpiekcie Pieramožcaŭ.
11:10
Znoŭ u niadzielu zakryvajuć bujnyja handlovyja centry. Nie pracujuć HC «Na Niamizie» i «Stalica». «Halereja» adčynicca tolki a 16-j.
11:05
Nahadajem, što ŭ piatnicu žurnalistaŭ zamiežnych ŚMI pazbavili akredytacyi, a z 1 kastryčnika Tut.by straciŭ status ŚMI.
Kamientary