Akty drobnaha sabatažu na čyhuncy: šeść vypadkaŭ zakaročvańnia za siońnia
Zamykańnie drotam rejkavych łancuhoŭ nabyło masavy charaktar, choć hetyja dziejańni zabaronienyja i niebiaśpiečnyja.
Milicyja Minskaj vobłaści paviedamiła siońnia pra zamykańnie drotam rejkavych łancuhoŭ kala Kaladzič pad Minskam.
Akcyja sabatažu na čyhuncy pad Minskam? Nieviadomyja naciahnuli drot miž rejkami
Jak stała viadoma «Našaj Nivie» z unutranych čyhunačnych zvodak, heta nie adziny taki vypadak. Tolki siońnia ŭ pieršaj pałovie dnia było šeść vypadkaŭ zakaročvańnia rejkavych łancuhoŭ drotam — na pierahonach kala Žodzina, Pamyślišča, Ściapianki, Rudzienska.
Nieviadomyja rehularna zamykajuć drotam rejkavyja łancuhi na ŭčastkach, prylehłych da Minska. Hetyja zdareńni, pavodle našaj infarmacyi, fiksavalisia na baranavickim, asipovickim i maładziečanskim kirunkach.
Kožnaje zakaročvańnie zatrymlivaje kožny ciahnik prykładna na 10 chvilin. Mašynist pavinien spačatku spynicca pierad iłžyva čyrvonym sihnałam, a paśla zahadu dyśpietčara pačać ruch z chutkaściu 20 km/h da śviatłafora z dazvolnym sihnałam.
Zakanadaŭstva zabaraniaje lubyja manipulacyi na čyhuncy, bo jany mohuć pryvieści da zbojaŭ u pracy.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci2
Kamientary