Zabastoŭka, vystupy studentaŭ, drobny sabataž na čyhuncy: asnoŭnaje za 26 kastryčnika
Sabrali dla vas asnoŭnyja padziei za paniadziełak, 26 kastryčnika.
Na zaklik Śviatłany Cichanoŭskaj pra ahulnanacyjanalnuju zabastoŭku adhuknulisia sotni małych i siarednich pryvatnych pradpryjemstvaŭ, pieravažna śfiery pasłuh i IT. Nie pracavali piceryi Dominos i Pica-Lisica, afłajn-kramy oz.by, «Strymłajn» admianiŭ zaniatki. Strajk padtrymali budaŭniki «Łazuryta». Na vulicy vychodzili miedyki minskich balnic.
Ź vialikich dziaržaŭnych pradpryjemstvaŭ zabastovačnuju aktyŭnaść prajavili tolki Minski elektratechničny zavod i «Hrodna Azot». Na apošnim siłaviki zatrymali 32 pracoŭnych.
Na astatnich zavodach sprava abmiežavałasia schodami rabočych i sychodam adzinkavych rabotnikaŭ na adhuły ci za svoj košt, choć aŭtazaki dziažuryli kala ŭsich hałoŭnych pradpryjemstvaŭ Minska.
Va ŭniviersitetach adbylisia samyja šmatlikija za čas pratestaŭ vystupy. Viadoma pra dziasiatki zatrymanych studentaŭ, asabliva žorstka vincili technaroŭ kala BDUIR i BNTU. Ahulnaja ličba zatrymanych za siońnia nabližajecca da 500, u dadatak da 523 zatrymanych učora.
Niahledziačy na naloty AMAPa, studenty dałučylisia da Maršu piensijanieraŭ, kolkaść udzielnikaŭ jakoha pieravysiła 5000 čałaviek.
Suprać bastujučych u Parku vysokich technałohij byli ŭžytyja śpiecsrodki.
Stała viadoma pra akty drobnaha sabatažu na čyhuncy. Tolki ŭ pieršaj pałovie dnia było šeść vypadkaŭ zakaročvańnia rejkavych łancuhoŭ drotam — na pierahonach kala Kaladzič, Žodzina, Pamyślišča, Ściapianki, Rudzienska.
-
Znojdzieny pad Viciebskam bivień mamanta mahło prynieści tudy tałymi vodami
-
«Takija vypadki vielmi redkija». Pradpryjemstva adkazała biełaruscy, jakaja znajšła ŭ marožanym kavałak mietału
-
Homielski hubiernatar pachvaliŭsia, što sioleta ŭ rehijonie stała bolš pieršakłaśnikaŭ. Ale letašnija ličby hetamu piarečać
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary