Hramadstva66

«Prahučaŭ vybuch». Siłaviki ŭžyli śpiecsrodki suprać bastujučych u Parku vysokich technałohij

Siłaviki pieraśledujuć bastujučych na parkoŭcy Parku vysokich technałohij u Minsku. Fota dasłaŭ čytač «Našaj Nivy»

Na zaklik Śviatłany Cichanoŭskaj ab ahulnanacyjanalnaj zabastoŭcy adhuknulisia sotni małych i siarednich pradpryjemstvaŭ. Masavyja akcyi pratestu adbylisia taksama ŭ dziasiatku minskich univiersitetaŭ. Spyniŭ pracu Minski elektratechničny zavod.

Dramatyčny epizod adbyŭsia kala Parku vysokich technałohij. Tam da tysiačy ajcišnikaŭ vyjšła na MKAD. Miarkujučy pa ŭsim, latučaja hrupa siłavikoŭ užyła suprać ich śpiecsrodki. Prahučaŭ vybuch, bastujučyja kinulisia ŭ les i da budynkaŭ.

Adnak praź niejki čas častka ich viarnułasia na MKAD. Voś videa:

I fota:

Ciaham hadziny paśla hetaha da PVT źjechalisia tysiačy aŭtamabilistaŭ. Jany całkam spynili ruch na źniešnim kalcy MKAD i vykazvali salidarnaść sihnałami.

Voś videa:

Paśla hetaha siłaviki jašče dvojčy viartalisia da PVT. Jość infarmacyja pra dziasiatak zatrymanych, siarod ich i žančyny.

MUS paźniej paćvierdziŭ, što amapaviec złamaŭ sabie nahu, razhaniajučy bastujučych kala PVT u Minsku. Heta zdaryłasia na krutym schile hary nad MKAD, dzie sa ściahami stajali demanstranty.

Asnoŭny ŭdar siłavikoŭ siońnia byŭ skiravany na studentaŭ, akcyi jakich byli samyja šmatlikija za čas pratestaŭ. Viadoma pra dziasiatki zatrymanych studentaŭ BNTU i BDUIRa. Ahulnaja ž kolkaść zatrymanych bastujučych vymiarajecca sotniami.

Studenty BDU supraćstajać AMAPu na vulicy Leninhradskaj u Minsku

Aŭtazaki dziažurać kala hałoŭnych pradpryjemstvaŭ Minska.

Aŭtazak kala MZKC u Minsku

Bastuje Minski elektratechničny zavod. Chvalavańni rabočych i ITR adznačanyja na «Hrodna-Azocie», MTZ, «Atłancie», MZKC, MAZie.

Rabotniki MTZ sabralisia, kab abmierkavać zabastoŭku

Z «Azota» paviedamlajuć pra nie mienš za 13 zatrymanych.

Nie pracujuć piceryi Dominos i Pica-Lisica, afłajn-kramy oz.by, «Strymłajn» admianiŭ zaniatki. Strajk padtrymali budaŭniki «Łazuryta».

Na vulicy vychodzili miedyki minskich balnic.

Upieršyniu byli zafiksavanyja akcyi pratestu ŭ škołach Minska:

Kamientary6

Ciapier čytajuć

Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam10

Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam

Usie naviny →
Usie naviny

Tramp znoŭ zaklikaje Pucina «spynić stralbu» i zaklučyć «ździełku»

Paśla deficytu bulby i kapusty ŭłady sprabujuć nie dapuścić kałapsu z ahurkami — u niekatorych haradach nie chapaje2

Malta pradavała svaje pašparty rasijanam, jakija znachodziacca pad sankcyjami3

Z palic kramaŭ źnik papularny tvaroh ad «Savuškavaha»2

Čały: Chočacca skazać słovami Maryi-Antuanety — niama bulby, niachaj jaduć hrejpfruty i banany6

Biełarus žyvie ŭ domie, jaki pabudavaŭ z sałomy, piasku i hliny. Pry hetym jon — adziny žychar vioski. Jak adčuvańni?8

Papa Francišak pierad śmierciu pieradaŭ 200 tysiač jeŭra makaronnaj fabrycy6

Hrodzienka addała za naroščanyja vałasy amal piać tysiač rubloŭ — za što takija hrošy?1

Łaŭroŭ zajaviŭ, što Rasija admovicca pieradać Zaparožskuju AES pad kiravańnie ZŠA2

bolš čytanych navin
bolš łajkanych navin

Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam10

Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam

Hałoŭnaje
Usie naviny →

Zaŭvaha:

 

 

 

 

Zakryć Paviedamić