U suviazi z reformaj sistemy adukacyi ŭ biełaruskich škołach skaročana 789 stavak nastaŭnikaŭ fizkultury,paviedamiŭ načalnik ŭpraŭleńnia fizičnaj kultury Ministerstva sportu i turyzmu Pavieł Niaprachin 13 traŭnia ŭ Minsku na pres‑kanfierencyi, pryśviečanaj Dniu rabotnikaŭ fizičnaj kultury i sportu.
Pavodle jaho słoŭ, kolkaść urokaŭ fizkultury skaraciłasia z troch da dvuch razoŭ na tydzień, kolkaść stavak — z 8,3 tys. da 7,5 tys. «Hetaja situacyja moža mieć raźvićcio. Ciapier my vypuskajem dźvie paraleli,
i ŭ nastupnym hodzie nahruzka skarocicca jašče bolš», — zaznačyŭ pradstaŭnik Minsportu.
Jak paviedamiŭ P.Niapriachin, zabiaśpiečanaść ahulnaadukacyjnych škoł spartyŭnym invientarom i abstalavańniem składaje 54%. Asabliva chutka znošvajecca hulniavy, himnastyčny i turyscki invientar. «Nas heta nie zadavolvaje, — padkreśliŭ načalnik upraŭleńnia. — Kab spytać z nastaŭnika za efiektyŭnaść zaniatkaŭ, treba zabiaśpiečvać jaho».
Pavodle infarmacyi P.Niaprachina, ciapier robiacca zachady pa niedapuščeńni skaračeńnia na pradpryjemstvach spartyŭnych instruktaraŭ‑mietadystaŭ.
Jašče adnoj prablemaj jon nazvaŭ pašyreńnie «ekspłuatacyjnych mahčymaściaŭ najpraściejšych spartyŭnych budynkaŭ — dvarovych placovak». U 2008 hodzie adramantavana tolki pryblizna 200 placovak pry ahulnaj ich kolkaści 10,8 tys. Pradstaŭnik Minsportu źviazvaje heta z adsutnaściu razumieńnia z boku miascovych vykanaŭčych orhanaŭ ułady.
Kamientary