«Zaŭvažany ślady naŭmysnaha paškodžańnia». Mer Minska prakamientavaŭ prablemy z vadoj u «Novaj Baravoj»
Terminy likvidacyi prablemy z vodazabieśpiačeńniem ŭ Novaj Baravoj nazvać ciažka, aryjentavacca treba na vyniki łabaratornych analizaŭ jakaści vady. Pra heta paviedamiŭ siońnia mer Minska Uładzimir Kucharaŭ, pieradajuć Minsk-Naviny.
Mer stalicy adznačyŭ, što hety mikrarajon terytaryjalna adnosicca da Minskaj vobłaści. Ale praz UP «Minskvodakanał» haradskija ŭłady taksama adsočvajuć situacyju ŭ apieratyŭnym režymie.
«Byli bačnyja ślady naŭmysnaha paškodžańnia zapornaj armatury. Jana vielmi darahaja, impartnaja, kamplektujučyja znachodziacca za miažoj. Ekspłuatacyja hetaj aparatury — zvyš 30 hadoŭ, kali tudy nie ŭmiešvacca. Ale ŭ vyniku ŭmiašańnia byli naniesienyja surjoznyja paškodžańni. I ciapier prychodzicca ekstranna pravodzić mierapryjemstvy, u tym liku nie čakajučy, kali prybuduć zapasnyja častki. Hetaja praca vielmi składanaja», — raspavioŭ Uładzimir Kucharaŭ.
Jon adznačyŭ, što jašče nieabchodna pravieści pramyvańnie sistemy, staranna abśledavać vadu ŭ łabaratornych umovach, kab paćvierdzić jaje jakaść, pierš čym padavać spažyŭcam. «Vodakanał budzie pracavać da poŭnaj likvidacyi ŭsich nastupstvaŭ», — adznačyŭ jon. I dadaŭ, što terminy, jakija spatrebiacca dla zaviaršeńnia ŭsich rabot, nazvać ciažka. «My budziem aryjentavacca na analizy», — skazaŭ mer Minska.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary