Vydatnuju siamimatčavaja pieramožnuju sieryju barysaŭskaha BATE spyniŭ mikaševicki «Hranit».
Vydatnuju siamimatčavaja pieramožnuju sieryju barysaŭskaha BATE spyniŭ mikaševicki «Hranit».Choć Maksim Skavyš i zabiŭ hoł na pieršaj chvilinie, adnak paleskaja kamanda na hetym nie papłyła. U siaredzinie ž druhoha tajmu «Hranit» uvohule zmoh vyrvać ničyju — 1:1.
Niahledziačy na pieršyja stračanyja punkty, adryŭ ad druhoha miesca BATE zachavaŭ na raniejšym uzroŭni 8 punktaŭ.Sprava ŭ tym, što navapołacki «Naftan» prajhraŭ u haściach minskamu «Dynama» — 2:0. A mahiloŭski «Dniapro» razyšoŭsia miram z žodzinskim «Tarpieda» — 0:0.
Na treciaje miesca vyjšła «Dynama» bresckaje, jakoje doma dosyć upeŭniena pieramahło «Homiel» — 3:1.
Haradzienski «Nioman» ź minimalnym likam 1:0 adužaŭ «Viciebsk». Kresła pad hałoŭnym trenieram vićbičaŭ Alaksandram Chackievičam zdajecca duža nietryvałym.
Pieršy matč bieź Juryja Viarhiejčyka pravioŭ salihorski «Šachcior». U hulni z aŭtsajderam u Smarhoni, «harniaki» vyratavalisia na apošnich chvilinach — 2:2.
Nu i ŭ staličnym derbi fartuna ŭśmichnułasia MTZ‑RIPA, jaki ź likam 2:1 pieramoh «Minsk».
Turnirnaja tablica paśla vaśmi turaŭ vyhladaje nastupnym čynam:
BATE — 22 punkty, «Dynama» (Miensk), «Dynama» (Bieraście) — pa 14, «Naftan», «Dniapro», «Nioman» — pa 13, «Tarpieda» — 12, MTZ‑RIPA — 11, «Minsk», «Homiel» — 9, FK «Viciebsk», «Hranit», «Šachcior» — pa 7, «Smarhoń» — 5.
Najlepšy bambardzir Siarhiej Kryviec (BATE) — 7 hałoŭ.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak9
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary