Bolš za tracinu biełaruskich pradpryjemstvaŭ i arhanizacyj źjaŭlajucca niepłaciežazdolnymi. Pra heta siońnia paviedamiŭ Nacyjanalny statystyčny kamitet Biełarusi (Biełstat).
Zhodna ź jaho źviestkami, na 1 krasavika ličba niepłaciežazdolnych pradpryjemstvaŭ u krainie skłała 36,5% ad ich ahulnaj kolkaści. Pradpryjemstvy ličacca niepłaciežazdolnymi tady, kali ich zabiaśpiečanaść abarotnymi srodkami nižej za normu, a likvidnaści, jakuju možna chutka realizavać i zdabyć tyja srodki taksama nie staje.
Bolš za ŭsio niepłaciežazdolnych pradpryjemstvaŭ u pramysłovaści — 45,5% ad ahulnaj kolkaści. Krychu lepiej situacyja ŭ handli i hramadskim charčavańni — 40,1%. U budaŭnictvie ličba takich pradpryjemstvaŭ składaje 35,6%, a ŭ sielskaj haspadarcy tolki 30,9%.
Na pačatku krasavika 44,9% ajčynnych pradpryjemstvaŭ ŭvohule nie mieli ŭłasnych abarotnych srodkaŭ i byli vymušanyja karystacca sa źniešnich krynicaŭ (kredyty, datacyi). Bolej usiaho takich pradpryjemstvaŭ było ŭ u sielskaj haspadarcy (75,8%), mieniej usiaho — ŭ budaŭnictvie (34,9%).
Ciapier čytajuć
Jak u halečy śpivałasia radnia Łukašenki? Małaviadomyja fakty30
Kamientary