U niadzielu prajšoŭ XX Źjezd Abjadnanaj hramadzianskaj partyi (AHP), jakaja dniami adznačyła 20-hodździe. Staršynioj partyi pieraabrany Mikałaj Kazłoŭ. Udzieł u źjeździe ŭziali 85 delehataŭ.
Ale varta adznačyć, što maładyja siabry partyi vyłučyli ŭłasnaha kandydata. Im stała Volha Bielaŭcova — pradstaŭnik Minskaj abłasnoj arhanizacyi, dyrektar pravaabaronča-aśvietnickaj ustanovy «Vakolica», piša Narodnaja vola.
Na pasadu staršyni taksama vyłučyli šmathadovaha kiraŭnika partyi Anatola Labiedźku, a taksama Uładzimira Šancava. Ale jany ŭziali samaadvod.
Pa vynikach hałasavańnia staršynioj partyi abrany Mikałaj Kazłoŭ. Bielaŭcova atrymała 27 adsotkaŭ hałasoŭ.
Namieśnikami abranyja Hienadź Anańjeŭ, Hanna Krasulina, Alaksandr Kabanaŭ, Alaksiej Kiryjenka i Volha Bielaŭcova. Nahadajem, što brescki aktyvist Alaksandr Kabanaŭ zaraz znachodzicca za kratami.
Kamientary