Daradca prezidenta Litvy nie vyklučaje, što dron u Biełaruś mahli zapuścić aktyvisty
Daradca prezidenta pa nacyjanalnaj biaśpiecy Marus Česnulavičus kaža, što ŭ jaho niama dakładnaj infarmacyi pra incydent z dronam, jaki nibyta ŭ niadzielu prylacieŭ ź Litvy ŭ Hrodna i raskidaŭ tam čyrvona-biełyja ściažki, paviedamlaje LRT.
Jon adznačyŭ, što Biełaruś mahła prydumać hetuju historyju, ale nie vyklučyŭ mahčymaści taho, što adpraŭlać taki dron ź Litvy sapraŭdy mahli aktyvisty.
«Ja pakul nie mahu dać dakładnaj infarmacyi, (…) mahčymyja niekalki varyjantaŭ raźvićcia padziej», — skazaŭ Česnulavičus u aŭtorak.
«Zhodna z hetaj narodnaj viersijaj, jakuju my apisali — «sam siabie bje, sam kryčyć», heta moža być pravakacyja, arhanizavanaja imi samimi. Mahčyma, jakija-niebudź aktyvisty, heta taksama nielha vyklučać», — dadaŭ jon.
Daradca adznačyŭ, što nieabchodnaje detalovaje rasśledavańnie incydentu.
Kamientary
Zaraz dronavy desant
Tut naadvarot, 1)pravakacyja suprać Lietuvy i, adnačasova, 2) pieravod strełak na aktyvistaŭ. Kamu heta vyhadna - dobra viadoma...