Šviedski instytut vyłučyć 100 000 jeŭra dla Nadzvyčajnaha fondu EHU pa padtrymcy studentaŭ ź Biełarusi

U adkaz na bieśpierapynnyja represii suprać udzielnikaŭ mirnych pratestaŭ i akcyj salidarnaści ŭ Biełarusi, Jeŭrapiejski humanitarny ŭniviersitet (EHU) u Vilni paviedamlaje ab adkryćci Nadzvyčajnaha fondu dla padtrymki biełaruskich studentaŭ i vykładčykaŭ.

Na padstavie pieršaha ŭniosku z boku Šviedskaha instytuta pieršapačatkovy abjom Nadzvyčajnaha fondu EHU składzie kala 100 000 jeŭra. Achviaravańnie z boku šviedskich partnioraŭ univiersiteta dazvolić EHU i dalej dapamahać tym studentam ź Biełarusi, jakija traplajuć pad pieraśled pa palityčnych matyvach na svajoj radzimie. Anałahičny Fond byŭ stvorany ŭ EHU dla padtrymki studentaŭ, jakija byli adličanyja z VNU paśla prezidenckich vybaraŭ 2010 hoda.

U pryvatnaści, studenty, u dačynieńni da jakich ažyćciaŭlaŭsia palityčny i inšy cisk, a taksama jakija byli adličanyja ź biełaruskich VNU, mohuć źviarnucca ŭ EHU dla pieravodu na adnu z abranych navučalnych prahram i biaspłatnaha navučańnia pa madeli libieralnaj adukacyi.

Vykładčykam i navukoŭcam z VNU i daśledčych ustanoŭ Biełarusi, jakija sutykajucca z palityčnym ciskam z boku ŭładaŭ, prapanoŭvajecca zahadzia i ŭ indyvidualnym paradku źviazacca z Departamientam sacyjalnych navuk ([email protected]) albo Departamientam humanitarnych navuk i mastactvaŭ ([email protected]) dla ŭzhadnieńnia mahčymaściaŭ pa ažyćciaŭleńni sumiesnych daśledavańniaŭ na padstavie navukovaj stažyroŭki (research fellowship) pad afilijacyjaj ź biełaruskim univiersitetam u Vilni.

Mahčymaść pieravodu prapanoŭvajecca pa nastupnych prahramach stałaj i dystancyjnaj formy navučańnia:

• Bakałaŭrskaja prahrama «Vizualny dyzajn» (bakałaŭr mastactvaŭ)
• Bakałaŭrskaja prahrama «Jeŭrapiejskaja spadčyna» (bakałaŭr humanitarnych navuk)
• Bakałaŭrskaja prahrama «Miedyja i kamunikacyja» (bakałaŭr sacyjalnych navuk)
• Bakałaŭrskaja prahrama «Suśvietnaja palityka i ekanomika» (bakałaŭr sacyjalnych navuk)
• Prahrama bieśpierapynnaha navučańnia «Mižnarodnaje prava i prava Jeŭrapiejskaha sajuza» (mahistr prava)

Kab padać zajavu na pieravod u EHU, nieabchodna:

1. Zapoŭnić zajavu i dasłać jaje na [email protected], prykłaŭšy akademičnuju daviedku ab projdzienych kursach.
2. Zapoŭnić zajavu ab pradastaŭleńni finansavaj dapamohi i dasłać jaje na [email protected], prykłaŭšy dakumienty, jakija ilustrujuć palityčny cisk.
3. Padać anłajn-zajavu na pryznańnie ŭ Litvie atestata/ dypłoma ab siaredniaj śpiecyjalnaj adukacyi.

Pa vynikach vykanańnia nazvanych punktaŭ nieabchodna zapoŭnić anłajn-ankietu budučaha studenta EHU. Raniej, dziakujučy padtrymcy litoŭskaha ŭrada sa srodkaŭ Ministerstva zamiežnych spraŭ, 52 studenty ź Biełarusi ŭžo byli pryniatyja na biaspłatnuju formu navučańnia ŭ EHU u 2020/21 navučalnym hodzie.

Kansultacyi ažyćciaŭlaje Adździeł kamunikacyi i raźvićcia:

• pa eł. pošcie: [email protected]
• u sac. sietkach: Facebook, VK
• praz Skype: QuestionEHU

EHU — heta adziny biełaruski ŭniviersitet, jaki całkam prytrymlivajecca pryncypaŭ akademičnych svabod. Dziakujučy libieralnaj madeli navučańnia, vykładańniu na rodnych movach i intensiŭnaj anhłamoŭnaj padrychtoŭcy, a taksama paŭnavartasnamu pahłybleńniu ŭ realizacyju sacyjalnych prajektaŭ, studenty-biełarusy atrymlivajuć sapraŭdy jeŭrapiejskuju adukacyju, jakaja dazvalaje realizavać svaje prafiesijnyja i tvorčyja ambicyi jak u Biełarusi, tak i pa ŭsim śviecie. Paśla vymušanaha pierajezdu EHU ŭ Vilniu vypusknikami ŭniviersiteta stali 2577 čałaviek, absalutnaja bolšaść ź ich — hramadzianie Biełarusi.

• 0
• 0
• 0
• 0
• 0
• 0
• 0
• 0