Jašče troje pratestoŭcaŭ atrymali terminy za nadpis «Nie zabudziem» na miescy hibieli Tarajkoŭskaha
8 śniežnia ahučyli prysudy jašče trom aŭtaram nadpisu ŭ pamiać ab zahinułym udzielniku pratestaŭ Alaksandry Tarajkoŭskim. Prakuror admoviłasia ad adnaho z artykułaŭ abvinavačvańnia, ale paprasiła ŭ suda pazbaŭleńnie voli dla adnaho z padsudnych, paviedamlaje spring96.org.
Spravu viała sudździa Frunzienskaha rajona Julija Krepskaja. Na łavie padsudnych — Dzianis Hrachanaŭ, Ihar Samusienka, Uładzisłaŭ Hulis.
Spačatku dziejańni fihurantaŭ spravy kvalifikavalisia pa dvuch artykułach: č. 2 art. 339 KK — «Chulihanstva, ździejśnienaje hrupaj asob», i č. 2 art. 218 KK — «Naŭmysnaje źniščeńnie albo paškodžańnie majomaści, ździejśnienyja ahulnaniebiaśpiečnym sposabam albo jakija paciahnuli pryčynieńnie škody ŭ bujnym pamiery».
Padčas sprečak bakoŭ prakuror Valeryja Taratynka admoviłasia ad abvinavačvańniaŭ pa č. 2 art. 218 Kryminalnaha kodeksa.
U vyniku jana paprasiła sud pakarać Uładzisłava Hulisa 2 hadami źniavoleńnia ŭ kałonii (jon byŭ raniej asudžany), a Dzianisa Hrachanava i Ihara Samusienku asudzić na 1,5 hoda abmiežavańnia voli z nakiravańniem u papraŭčuju ŭstanovu adkrytaha typu, tak zvanuju chimiju.
U vyniku Dzianis Hrachanaŭ i Ihar Samusienka atrymali pa paŭtara hoda «chimii» — abmiežavańnia voli va ŭstanovie adkrytaha typu. Uładzisłaŭ Hulis — dva hady kałonii strohaha režymu.
***
Siońnia sudździa Frunzienskaha rajona Minska Julija Bliźniuk pryznała Maryju Babovič i Maksima Paŭluščyka vinavatymi pavodle č. 2 artykuła 339 KK (chulihanstva). Maksimu Paŭluščyku dali dva hady kałonii ahulnaha režymu, Maryi Babovič — 1,5 hoda abmiežavańnia voli, tak zvanaj «chatniaj chimii».
Chatniaja chimija i realnaje pakarańnie: vynieśli pieršy prysud za nadpis na miescy hibieli Tarajkoŭskaha na Puškinskaj
Ciapier čytajuć
Raman Pratasievič asvoiŭ prafiesiju barmiena i adšukaŭ pracu. Voś u jakim bary možna jaho znajści5
Kamientary