Volhu Chižynkovu nie vyzvalili. Jana znachodzicca za kratami ŭžo 33 dni
«Mis Biełaruś — 2008» praviała za kratami 33 dni. Pieršy raz jaje zatrymali 8 listapada. Paśla było jašče dva sudy — za foty ŭ instahramie.
Usie hetyja dni Volha siadzieła na Akreścina. Sukamiernicy raskazvali, što dla «Mis Biełaruś» stvarali žudasnyja ŭmovy. Padsialali śmiardziučych biazdomnych z vošami, pakidali ŭ kamiery z mocnym skraźniakom. Pry zatrymańni ŭ aŭtazak raspylili haz. U izalatary Volha sustreła svoj dzień narodzinaŭ.
Sustrakać Volhu sabrałasia kala 40 čałaviek — rodnyja, siabry, spartoŭcy, žurnalisty. Pa infarmacyi advakata, Chižynkovu musili vypuścić u 17.30. Ale jana tak i nie vyjšła.
«Siońnia nie vypuściać, adbyvaje pastanovu suda», — paviedamili supracoŭniki Akreścina.
«Ja budu źviazvacca z advakatam, vyśviatlać. Nie viedaju, u čym sprava», — skazaŭ jaje muž Ivan.
Paśla vybaraŭ Volha Chižynkova nieadnarazova vykazvała svajo mierkavańnie pra situacyju ŭ Biełarusi i vystupała suprać hvałtu. U vieraśni Volha Chižynkova straciła pracu ŭ Nacyjanalnaj škole pryhažości z-za aktyŭnaj hramadzianskaj pazicyi.
-
Pačobut nie staŭ razmaŭlać z šaściorkami — ni z Pratasievičam, ni z Vaskrasienskim
-
Vaskrasienski: Azotnyja ŭhnajeńni i sankcyi ŭ adnosinach fiz– i jurasobaŭ — i 1135 palitviaźniaŭ buduć u Vilni
-
«Pryvieźli maju žonku i skazali, što jaje buduć katavać». Para z Ukrainy raskazała žachlivuju historyju pieraśledu ŭ Biełarusi
Kamientary