Vietkaŭski deputat skłaŭ paŭnamoctvy paśla vybaraŭ — niezadavoleny, što Łukašenka niedastatkova prarasijski
66-hadovy Siarhiej Pierapialuk byŭ deputatam Vietkaŭskaha rajonnaha Savieta deputataŭ. Paŭnamoctvy jon skłaŭ 12 žniŭnia, amal adrazu paśla vybaraŭ. Farmalna — pa stanie zdaroŭja.
Realnaja ž pryčyna — u hramadskaj pazicyi.
«Ja byŭ vielmi niezadavoleny palitykaj prezidenta i pohlady svaje nie chavaŭ. A taksama syšoŭ z kampartyi (Pierapialuk byŭ pieršym sakratarom rajonnaj jačejki. — «NN»), bo jany padtrymlivajuć dziejučuju ŭładu. Ja nie chacieŭ u hetym peckacca», — adkazvaje były deputat.
Jon tłumačyć, što vystupaje suprać falsifikacyj. Nie padabałasia jamu i toje, jak raźvivalisia biełaruska-rasijskija adnosiny. A dakładniej — što jany byli nie nastolki ščylnyja, jak mahli b.
«Ja prarasijska nastrojeny čałaviek. Našy krainy pavinny być razam. Ja vystupaju nie za Sajuznuju dziaržavu, a za adnaŭleńnie SSSR, chacia b napačatku u miežach Biełarusi i Rasii», — tłumačyć Pierapialuk.
Paśla deputackaj adstaŭki jon praciahvaje pracavać školnym nastaŭnikam — vykładaje historyju z 1991 hoda. Zajmajecca taksama školnym muziejem bajavoj i pracoŭnaj słavy.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary