U niekatorych rehijonach krainy balnicy adnaŭlajuć zvyčajny režym pracy, paviedamlaje Minzdaroŭja ŭ svaim telehram-kanale.
Bresckaja vobłaść
U Bresckaj abłasnoj kliničnaj balnicy z 17 śniežnia śpiecyjalisty hiematałahičnaha adździaleńnia prymajuć pacyjentaŭ u zvyčajnym režymie.
U abłasnym ankałahičnym dyspansiery z 19 śniežnia adkryvajecca korpus № 2 (chirurhičnyja adździaleńni na 180 łožkaŭ).
U Centralnaj haradskoj balnicy i Bresckaj haradskoj balnicy №1 pastupova skaračajucca dadatkovyja miescy, jakija vyłučalisia na COVID-19. U balnicy skaročanyja bolš za 120 dadatkovych miescaŭ.
Akramia taho, z 21 pa 24 śniežnia płanujecca pieraprafilavańnie łožkaŭ kardyjałahičnaha, hastraenterałahičnaha, reŭmatałahičnaha adździaleńniaŭ i adździaleńnia tarakalnaj chirurhii ŭ Bresckaj abłasnoj kliničnaj balnicy, a taksama skaračeńnie dadatkovych łožkaŭ u Bresckaj Centralnaj haradskoj balnicy i ŭ Bresckaj haradskoj balnicy № 1. Adznačym, što z 4 śniežnia pracuje ŭ płanavym režymie endakrynałahičnaje adździaleńnie Pinskaj centralnaj balnicy.
Viciebskaja vobłaść:
Z 21 śniežnia spyniajecca akazańnie miedycynskaj dapamohi pacyjentam ź infiekcyjaj Covid-19 u chirurhičnym korpusie Viciebskaha abłasnoha kliničnaha ankałahičnaha dyspansiera i adnaŭlajecca akazańnie płanavaj ankałahičnaj dapamohi ŭ zvyčajnym režymie.
Taksama spyniajecca špitalizacyja pacyjentaŭ na dalečvańnie pnieŭmanij u reabilitacyjny centr «Žaleźniaki» Viciebskaha abłasnoha kliničnaha kardyjałahičnaha centra.
Paśla apracoŭki ŭ centry budzie pravodzicca reabilitacyja pacyjentaŭ paśla pnieŭmanij.
Mahiloŭskaja vobłaść:
Pieraprafilujecca i pačynaje pracavać u zvyčajnym režymie z 21 śniežnia Mahiloŭski abłasny špital invalidaŭ Ajčynnaj vajny. A z 28 śniežnia zapłanavana viartańnie ŭ zvyčajny režym — Mahiloŭskaha abłasnoha lačebna-dyjahnastyčnaha centra (filijał kardyjałahičnaj balnicy).
Ciapier čytajuć
Jany pajšli ad nas u 2025 hodzie. Zhadvajem biełarusaŭ, jakich my stracili4
Kamientary