«Kali ŭsio budzie dobra». Mitrapalit Kandrusievič adsłužyć u Minsku čatyry imšy ŭžo zaŭtra i pazaŭtra
Užo zaŭtra, 24 śniežnia, mitrapalit Tadevuš Kandrusievič praviadzie imšy ŭ minskaj Katedry: a 19-j pa-polsku i a 21-j pa-biełarusku, paviedamiŭ radasnuju navinu biskup Juryj Kasabucki (praŭda, z ahavorkaj, «kali ŭsio budzie dobra»). 25 śniežnia Tadevuš Kandrusievič budzie słužyć u Čyrvonym kaściole ab 11.00 i a 13.00.
Kiraŭnik Rymska-katalickaj carkvy arcybiskup Kandrusievič nie moh viarnucca ŭ krainu kala troch miesiacaŭ. Łukašenka niekalki razoŭ abvinavaciŭ Kandrusieviča ŭ tym, što jon vyjazdžaŭ u Polšču «dla kansultacyj», «jak razburać našu krainu».
31 žniŭnia pamiežniki nie prapuścili arcybiskupa Kandrusieviča z Polščy ŭ Biełaruś biez tłumačeńnia pryčyn. Paśla było zajaŭlena, što MUS pryznała pašpart Kandrusieviča niesapraŭdnym.
Ciapier mitrapalit Minska-Mahiloŭski časova žyvie ŭ parafii Śviatoha Antonija ŭ polskaj Sakołcy, za 15 km ad biełaruskaj miažy. Kiraŭnictva Kaściołam u Biełarusi arcybiskup Kandrusievič ažyćciaŭlaje dystancyjna.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary