U novym KaAPie prapišuć 30 sutak aryštu za paŭtornaje zatrymańnie na mitynhu
18 śniežnia deputaty pryniali ŭ druhim čytańni novy Kodeks ab administracyjnych pravaparušeńniach. Jak skazana na sajcie Pałaty pradstaŭnikoŭ, paśla pieršaha čytańnia zakonaprajekt byŭ značna dapracavany — razhledžana bolš za 700 zaŭvah i prapanoŭ. Dakumient jašče nie padpisany Alaksandram Łukašenkam i aficyjna nie apublikavany. U telehram-kanałach tym časam źjaviŭsia prajekt KaAP, na pieršaj staroncy jakoha skazana, što jon byŭ pryniaty Pałataj pradstaŭnikoŭ i ŭchvaleny Savietam Respubliki 18 śniežnia.
Jakija istotnyja novaŭviadzieńni mohuć źjavicca? Raźbiraŭsia Tut.by
— Uvodzicca novy vid pakarańnia — hramadskija pracy (ad 8 da 60 hadzin). Pry hetym jany mohuć pryznačacca tolki pry zhodzie čałavieka.
— Ahulny termin administracyjnaha aryštu zastaŭsia bieź źmienaŭ - da 15 sutak. Ale za parušeńnie paradku praviadzieńnia masavych mierapryjemstvaŭ (ciapierašni artykuł 23.34), jakoje ličycca samym niebiaśpiečnym administratyŭnym pravaparušeńniem — da 30 sutak.
— Raniej navat za ździajśnieńnie niekalkich administracyjnych pravaparušeńniaŭ u sukupnaści termin aryštu nie moh pieravyšać 25 sutak, ciapier u prajekcie dakumienta havorycca, što pry ździajśnieńni niekalkich pravaparušeńniaŭ maksimalny termin administratyŭnaha aryštu moža skłaści da 30 sutak.
— Viadomy artykuł 23.34 (u novym kodeksie jon budzie nazyvacca 24.23) mocna źmienieny. Raniej pry ŭdziele ŭ niezakonnym masavym mierapryjemstvie možna było atrymać papiaredžańnie, ciapier takuju mieru z artykuła prybrali. Maksimalny pamier štrafu pavialičany z 30 da 100 bazavych vieličyń. Pry pryciahnieńni pa hetym artykule paŭtorna zmohuć aštrafavać na sumu da 200 bazavych vieličyń (ciapier 5400 rubloŭ).
— Značna ŭzmocnienaja adkaznaść za niepadparadkavańnie patrabavańniu słužbovaj asoby. Tak, za niepadparadkavańnie supracoŭniku milicyi, naprykład, za admovu prajechać u RUUS dla dačy tłumačeńniaŭ albo vyśviatleńnia asoby, štraf pavialičany z 50 da 100 bazavych vieličyń, taksama praduhledžvajecca pakarańnie ŭ vyhladzie hramadskich rabot.
— Uviedzienaja adkaznaść za abrazu słužbovaj asoby ŭ internecie, za heta mohuć pakarać štrafam da 200 bazavych vieličyń, hramadskimi pracami, aryštam. Raniej za abrazu słužbovaj asoby byŭ praduhledžany tolki štraf da 50 bazavych vieličyniaŭ.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ5
Kamientary