Dyrektar dackaha chakiejnaha Sajuza Ulryk Łarsien zajaviŭ, što Fiederacyja razhladaje varyjant bajkatavańnia ČS-2021, kali jon projdzie ŭ Minsku=.
— My nie chočam, kab naša zbornaja pa chakiei vystupała na čempijanacie śvietu ŭ Minsku. My chočam, kab čempijanat śvietu prajšoŭ u inšaj krainie.
Užo ŭ minułym hodzie niekalki našych chakieistaŭ krytyčna vykazalisia nakont mahčymaha praviadzieńnia ČS u Minsku. Čakajem najchutčejšaha tłumačeńni ad IICHF.
— Što vy budziecie rabić, kali hulcy nie zachočuć jechać na ČS u Minsku?
— Nu tady ja mahu skakać i tancavać kolki zachaču. Ale ja prosta nie dumaju, što my zojdziem tak daloka. Miarkuju, što da taho času budzie rašeńnie ad IICHF pa Minsku. I heta taksama majo dakładnaje pasłańnie: nieabchodna znajści inšaje rašeńnie nakont miesca praviadzieńnia, — zajaviŭ Łarsien.
Ulryk Łarsien zajaviŭ, što sustrakaŭsia z pradstaŭnikami fiederacyj susiednich krain i zastaŭsia pierakanany, što ŭsie paŭnočnyja krainy padzialajuć pazicyju Danii ŭ dačynieńni da praviadzieńnia ČS u Minsku.
— Budzie składana, kali Danii daviadziecca admovicca ad ČS jak adna kraina. Ale ja ŭpeŭnieny, što ŭ čatyroch Paŭnočnych krain vielmi padobnyja pohlady na toje, što adbyvajecca vakoł ČS u Minsku. I tady IICHF budzie składaniej zastacca ŭ baku i nie zaŭvažyć taho, što adbyvajecca.
Ale pakul my tolki skazali IICHF, što jany pavinny znajści rašeńnie pa ČS u Minsku. Jany arhanizatary čempijanatu śvietu i viedajuć našu pazicyju, — zajaviŭ Łarsien.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach4
Kamientary