Hramadstva1313

«Ja słužu dva dni na miesiac». Biełarus raskazaŭ pra svaju słužbu ŭ armii ZŠA i zarobak

«Zarobku chapaje na vypłatu ipateki, aŭto i restarany», — pryznajecca Jaŭhien Łucki.

Jaŭhien Łucki. Skryn videa: seointhearmy / TikTok

Biełarus Jaŭhien Łucki piaty hod słužyć u armii ZŠA. U Amierycy jon žyvie pa hryn-karcie. U svaim tyktoku chłopiec raskazvaje ab žyćci i słužbie.

«Ja słužu ŭ armii ZŠA dva dni na miesiac. Astatni čas ja zajmajusia svaim cyvilnym žyćciom. Heta nazyvajecca słužyć u hvardyi ci ŭ armii reziervu, armii zapasu», — dzielicca Jaŭhien.

Pa jaho słovach, na pačatku słužby navabraniec kala paŭhoda prachodzić roznyja treninhi. Bazavy treninh składaje 10 tydniaŭ. Dalej, u zaležnaści ad śpiecyjalnaści, jašče 9-10 tydniaŭ.

«Astatni čas ty potym słužyš, źjaŭlajučysia dva dni na miesiac i dva tydni letam na zbory», — zaŭvažaje mužčyna.

Jaŭhien raskazvaje, što raniej słužyŭ u Nacyjanalnaj hvardyi ad armii (Army National Guard), ciapier u Nacyjanalnaj hvardyi ad vajenna-pavietranych sił ZŠA (Air National Guard).

U infarmacyi da svajho videa Jaŭhien dadaje, što kožny štat maje svaju Nacyjanalnuju hvardyju. Jon słužyć u štacie Piensilvanija.

«Spačatku prajšoŭ treninh piachoty, a zatym vyvučyŭsia na finansista», — dzielicca mužčyna.

U inšym videa Jaŭhien raskazvaje pra svoj zarobak.

Za poŭny miesiac słužby jamu naličvajuć 6320 dalaraŭ. Paśla vyličeńnia padatkaŭ i inšych vypłat jon maje 5710 dalaraŭ.

Z hetaj sumy 1660 dalaraŭ idzie na apłatu ipateki — u minułym hodzie mužčyna nabyŭ dom za 262 tysiačy dalaraŭ. Ale z vypłataj ipateki za tryccać hadoŭ jaho košt składzie 700 tysiač dalaraŭ.

Jak davodzić Jaŭhien, kali b jon ź siamjoj arandavaŭ žyllo, to za miesiac płaciŭ by kala 1800-2000 dalaraŭ. Za tryccać hadoŭ na arendu jakraz i syšła b suma ŭ 700 tysiač. Adnak pry hetym svajho žylla tak i nie było b.

Nastupny radok u štomiesiačnych vydatkach — heta apłata kamunalnych pasłuh. Na heta, pa słovach mužčyny, sychodzić kala 500 dalaraŭ. Strachoŭka aŭtamabila abychodzicca pryblizna ŭ 185 dalaraŭ na miesiac. A voś miedycynskaja strachavańnie ŭsioj siamji vajskoŭca biaspłatnaje.

Na ježu, adzieńnie, naviedvańnie kafe i restaranaŭ, pa słovach Jaŭhiena, sychodzić kala 2000 dalaraŭ.

Takim čynam, jak padsumoŭvaje mužčyna, paśla ŭsich vydatkaŭ na rukach u jaho zastajecca 1365 dalaraŭ.

Pa słovach Łuckaha, u amierykanskaj armii kožnyja dva hady pavyšajuć zarobak. Akramia hetaha, kožny hod adbyvajecca jaho indeksacyja.

«U hetym hodzie, jak Tramp staŭ prezidentam, jon istotna padniaŭ zarobak. To-bok u mianie akład byŭ 2600, a Tramp padpisaŭ ukaz, i ŭ mianie akład staŭ 3500», — pryznajecca Łucki.

Kamientary13

  • N
    27.06.2025
    Čamu ŭ tranślitaracyi jon Łuckij, a nie Łucki? Biełarus?
  • hyy
    27.06.2025
    kak tielenok iŝiet tiťku, kak pčieła iŝiet ulej, tak i biełarus iŝiet chalavu.
  • babrujčanin
    27.06.2025
    ??? ...))) I što ?? Z' jechał jak źježali i 35 hod tamu za " svabodaj vybara ..hatunkaŭ kałbasy tački šmotki" i kaniečna za ..dzietak turbavaliś ))
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Vajar ź Biełaruskaha dobraachvotnickaha korpusa: Ja žyŭ u ružovaj burbałcy2

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Usie naviny →
Usie naviny

Premjer Danii: ES treba pieraŭzbroicca za hetyja piać hadoŭ2

U Kanadzie raskryta zmova «antyŭradavaha apałčeńnia» z udziełam vajskoŭcaŭ2

Kiraŭnik kadravaj słužby Trampa Sierchia Hor akazaŭsia ŭradžencam Taškienta Siarhiejem Harachoŭskim11

«Samaje pryhožaje śviata leta». Turysty raskazali, jak źjeździli na Kupalle ŭ Sułu3

Śviatłana Cichanoŭskaja sustrełasia ź ministram unutranych spraŭ Litvy. Razmova išła pa-biełarusku12

«Kidaje ŭ nas kučy haŭna». Tramp zajaviŭ pra svaju niezadavolenaść Pucinym6

Paźniak pierajšoŭ da abrazaŭ Cichanoŭskaha: «Istota tarabanić uvieś čas»172

Vaskrasienski: Adkryvajecca nieba — i Aleś Bialacki adrazu vychodzić43

Da čempijanatu śvietu pa fiechtavańni dapuścili navat «niejtralnych» rasijskich aficeraŭ3

bolš čytanych navin
bolš łajkanych navin

Vajar ź Biełaruskaha dobraachvotnickaha korpusa: Ja žyŭ u ružovaj burbałcy2

Vajar ź Biełaruskaha dobraachvotnickaha korpusa: Ja žyŭ u ružovaj burbałcy

Hałoŭnaje
Usie naviny →

Zaŭvaha:

 

 

 

 

Zakryć Paviedamić