Kiraŭnik MZS Ukrainy: Mientarskija notki «starejšych tavaryšaŭ» z boku Biełarusi niedarečnyja
Ministr zamiežnych spraŭ Ukrainy Dźmitryj Kuleba zajaviŭ pra niedapuščalnaść pavučalnaha tonu ŭ adras prezidenta Ukrainy Uładzimira Zialenskaha z boku Alaksandra Łukašenki, paviedamlaje Interfaks-Ukraina.
«Pa-pieršaje, prezidenta Ukrainy niama sensu ničomu pavučać, tym bolš Alaksandru Łukašenku. Naš prezident źjaŭlajecca samadastatkovaj palityčnaj fihuraj, i ŭsie hetyja mientarskija notki «starejšych tavaryšaŭ» źjaŭlajucca absalutna niedarečnymi… Jon (Łukašenka) — viadomy piersanaž, jon zaŭsiody słaviŭsia svaimi charyzmatyčnymi vykazvańniami, ale čym dalej, tym dalej jany źjaŭlajucca adarvanymi ad realnaści naohuł. Heta možacie ličyć aficyjnaj reakcyjaj», - skazaŭ Kuleba ŭ efiry telekanała «1+1».
Raniej Łukašenka ŭ intervju rasijskaj žurnalistcy Naile Askier-zade zajaviŭ, što «nie trymaje zła» na Zialenskaha i hatovy adnavić adnosiny z Ukrainaj. «Ja b kosa na jaho (Zialenskaha) nie hladzieŭ. Pabłažliva, kosa, z pahardaj - nikoli. Małady čałaviek, małady prezident. Zdolny da navučańnia čałaviek, ja dumaju. Ja ŭpeŭnieny ŭ hetym, jon ža zdarovy, narmalny čałaviek», — skazaŭ jon.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary