Historyk Leanid Łyč u ciažkim stanie z karanavirusam
Doktar histaryčnych navuk, viadomy prafiesar druhi tydzień znachodzicca ŭ 2-j balnicy. Lažyć Leanid Michajłavič nie ŭ reanimacyi, a ŭ ahulnaj pałacie na čatyry čałavieki, čas ad času jon znachodzicca pad kisłarodam, piša Narodnaja vola.
Niekatory čas jany razam z žonkaj Ludmiłaj Mikałajeŭnaj chvareli doma. Potym žoncy stała lepiej, a jaho chvaroba to adpuskała, to nakryvała znoŭ.
Ludmiła Mikałajeŭna — doktar. Jana zrazumieła, što biez balnicy, vidać, nie abydziecca.
«Leanid Michajłavič u špitalach lažaŭ tolki ŭ maładości, jamu nie vielmi chaciełasia kłaścisia, ale što zrobiš, — raspaviała žonka Leanida Łyča. — My ź im pa telefonie niekalki razoŭ na dzień razmaŭlajem. Jamu to lepš, to horš. To chodzić krychu, to znoŭ lažyć. Jon skardzicca na toje, što sił niama i praz heta — nastroju. Ale ž heta adna z asablivaściaŭ karanavirusa — mnohija z tych, chto chvareŭ, pra heta raspaviadajuć. Tut patrebny imunitet i čas. I jašče viera, što ŭsio budzie dobra».
Mienš jak praź miesiac — 8 lutaha — Leanidu Łyču spoŭnicca 92 hady.
Budziem spadziavacca, što Leanid Michajłavič z dapamohaj daktaroŭ zdoleje spravicca z kavarnaj chvarobaj. Budźcie zdarovyja!
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio11
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary