Palitviazień Niaronski u turmie pieranios karanavirus i mikrainsult
U sudzie Łahojskaha rajona 13 studzienia praciahnuŭsia sud nad aŭtaram jutub-kanała «Słuck dla žyćcia» Uładzimiram Niaronskim.
Na druhi dzień pasiedžańniaŭ jon znoŭ źviarnuŭ uvahu na nialudskaje abychodžańnie ŭ izalatarach.
Da suda Uładzimira ŭtrymlivali ŭ žodzinskim śledčym izalatary № 8, a 6 studzienia źmiaścili ŭ izalatar časovaha ŭtrymańnia Łahojskaha RAUS, paviedamlajuć pravaabaroncy. U pieršy dzień suda palitviazień zajaŭlaŭ, što ŭ jahonaj kamiery niama aciapleńnia, kormiać adzin raz u dzień i zamiest prybiralni — viadro.
Pieršy sud pa «spravie Cichanoŭskaha». U Łahojsku sudziać palitviaźnia Uładzimira Niaronskaha
U sieradu prakuror Alaksandr Laŭkovič zapytaŭ błohiera, ci nie suprać jon, kab začytali vyniki psichijatryčnaj ekśpiertyzy. Toj pahadziŭsia.
«Niachaj usie viedajuć, jak pracuje hetaja sistema. Kali mianie nakiroŭvali ŭ Navinki na try tydni, to skazali, što treba mianie kudyści schavać da vybaraŭ. Tak z usimi palityčnymi rabili».
U svajoj pramovie Niaronski asobna spyniŭsia na niečałaviečych umovach utrymańnia ŭ Łahojskim IČU. Jon adznačyŭ, što z 26 śniežnia nie byŭ u dušy, a paścielnuju bializnu jamu nie mianiali dva tydni. Słucki błohier ličyć, što pieražyŭ «253 dni ździekaŭ u čystym vyhladzie».
«Jany maralna mianie zabivajuć, lepš by dručkom bili. Naviadzicie paradak u Łahojskim IČU! Mnie tut kažuć: «Tabie što, zładzić sałodkaje žyćcio tut?» Heta tyja, chto zastupaje na treciuju źmienu. Vyklučajuć śviatło ŭ 6 ranicy, ludzi zasynajuć, potym u 7:40 rezka pačynajuć hrukać i kryčać: «Chutka jeści!» Ludzi padryvajucca, nie razumiejuć, dzie jany znachodziacca».
Pa słovach Niaronskaha, u słuckim IČU ŭ jaho zdaryŭsia mikrainsult, kali jon daviedaŭsia pra nibyta znojdzienyja ŭ Siarhieja Cichanoŭskaha na leciščy hrošy. A jamu ŭ adkaz na heta tolki kazali: «Tolki nie pamiraj na našaj źmienie».
«Za 5 hadoŭ ludzi stolki nie prachodziać vyprabavańniaŭ, kolki ja prajšoŭ za hetyja 253 dni! Mianie samaha pieršaha pasadzili, i na mnie adpracoŭvali ŭsio!»
Niaronski ničoha nie jeść u izalatary, bo niama čaho, tolki ranicaj źjadaje «łyžku viniehretu». Taksama palitviazień raspavioŭ, što pierachvareŭ u turmie na COVID-19 i peŭny čas nie adčuvaŭ pachaŭ i smakaŭ.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?5
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary