Paśla majskaha ekśpierymientu ŭ Biełarusi znoŭ dazvolili dastaŭku lekaŭ i inšych aptečnych tavaraŭ — na hety raz da 1 lipienia. Pieršymi servis pierazapuściać aptečnyja sietki ADEL i «Dobryja leki». Kurjery razvoziać zakazy pry pakupcy ad 30 rubloŭ u toj ža dzień u Minsku i Viciebsku ci ŭ režymie «siońnia na zaŭtra» ŭ astatnich abłasnych centrach.
Upieršyniu dastaŭku dazvolili ŭ mai minułaha hoda na piku «pieršaj chvali» karanavirusa. U zaćvierdžany ŭradam śpis uvajšli 29 aptečnych arhanizacyj, ale servis zapuścili tolki niekalki bujnych sietak.
Prapracavaŭ jon niadoŭha: 1 lipienia skončyłasia dziejańnie dazvołu, a padaŭžać jaho nie stali. Adnak piłotny prajekt reanimiravali praz 5 miesiacaŭ — 30 śniežnia byŭ padpisany ŭkaz № 512, što dazvoliŭ aptečnym sietkam razvozić leki pakupnikam da 1 lipienia 2021 hoda.
Jak i raniej, zamović možna tolki biezrecepturnyja leki i spadarožnyja tavary — kaśmietyku, srodki hihijeny, miedtechniku i pradukty charčavańnia. A voś BADy i preparaty, jakija patrabujuć receptu ci adčuvalnyja da tempieratur, možna paprasić dastavić u najbližejšuju apteku i potym zabrać samavyvazam.
Aptečnyja sietki ADEL i «Dobryja leki» pačali razvozić leki pa damach u Minsku i ŭsich abłasnych centrach, u tym liku ŭ radyusie 15 km ad ich. Servis taksama zapracavaŭ u Połacku i Navapołacku. Pastupova hieahrafiju dastaŭki buduć pašyrać.
U toj ža čas mahčymaść dastaŭki ŭ najbližejšuju apteku taksama dziejničaje ŭ rajonnych centrach. Dla vybaru miesca samavyvazu dastupnyja bolš za 320 aptek va ŭsich rehijonach. Siarod adroźnieńniaŭ — zapusk biaspłatnaj dastaŭki, ale pry čeku ad 100 rubloŭ.
Kali vychodzić mienš, praca kuŕjera abyjdziecca ŭ 3 rubli, a minimalnaja suma zakazu — 30 rubloŭ. Dastaŭka ŭ najbližejšuju apteku budzie biaspłatnaja i biez abmiežavańniaŭ pa sumie pakupki — možna zamović choć askarbinku.
Leki razvoziać pa schiemie «siońnia na zaŭtra». U toj ža dzień ich pryviazuć u Minsku i Viciebsku. Praduhledžana i bieskantaktnaja dastaŭka.
Dla zabieśpiačeńnia ŭmoŭ zachoŭvańnia i transparciroŭki śpiecyjalna abnoŭleny aŭtapark. Vykarystoŭvajucca mašyny z chaładzilnym abstalavańniem i śpiecyjalnyja termakantejniery.
Zamović leki možna na sajtach sietak ADEL i «Dobryja leki» i pa telefonie kantakt-centra abiedźviuch sietak. Sistema braniravańnia dazvalaje vybrać pamiž dastaŭkaj da kvatery abo da najbližejšaj apteki (samavyvaz). Va ŭsich haradach apłacić zakaz možna z dapamohaj bankaŭskaj karty ci najaŭnymi.
-
Biełaruskaja fitnes-trenierka dva hady pakutavała ad nieviadomaj chvaroby. Zdajecca, jana znajšła adkaz — ale ad jaho nie lahčej
-
Naradžajecca mienš dziaciej, bo prablemaj stała začać. Voś što vyjavili apošnija daśledavańni, asabliva mužčynskaha zdaroŭja
-
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB28
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ66
Kamientary